[poem=font="Simplified Arabic,7,limegreen,bold,normal" bkcolor="darkred" bkimage="" border="none,4," type=2 line=0 align=center use=ex num="0,black"]
سند معانا عساك تعيد=ذكرى من الماضي اللي غاب
وعاوديني ليال العيد= الصيف والضيف والترحاب
أيام كنا على ما نريد=ما تردنا قلة الأسباب
زمان كان المواصل سيد = سيِّد وكنا جميع أحباب
ينبع وفيها من التفريد =لمطالعات الجمال كتاب
يوم النخل في جماله غيد= يسعدك بالمنظر الخلاب
للطير في جوها تغريد = والعين تجري نهر منساب
الفل والورد إيد بإيد = والفاغيه طرحها نهاب
مالت عليها الغصون تزيد = من حسنها للصباح خضاب
وعالبرز تلقى سعيد وعيد = الكل قاضب معه مشعاب
كل يوم في طور في تشييد=هذا يبرح وذا نكاب
أعمال للخيف بالتحديد = كل يوم والقيِّم الحسّاب
وعن زاين السوق كيف تحيد = لا حرجوا واقبل الجلاب
الكل للصيف جاه مريد =والمجنى اللي جنيّه طاب
في بيت ما طنبه قرميد=الطين والطوف والمرزاب
تستاف من ريحة التوقيد = عطر الكرم والذي ما يساب
في حزته والرجال الصيد = اللي لهم عزم واستقطاب
وياشف قلبي من التوجيد = كل ما القمر كحل الأهداب
صوت الرديح الذي مايبيد =صوته زمانين والعناب
ويا حلو ذيك الليالي تقيد = يا حلوها صوتها ما غاب [/poem]