شي يحزن شي يطفش شي يجنن شي ينفرز

[بشير]

ماليكم عليا حلفان ياجماعة الخير اني متضايق من وضع البلد جات الاجازه اسبوع طيب لو سافرنا يبغالها فلوس والحمد لله الحال مستوره والسلف غبن وخجل واحراج ايش الله حادنا عليه ننطق فبلدنا مدام الحمد لله عندنا بحر ومناطق جميله مافي زيها بس هنا المشكله اخذنا اولادنا وقلنا نتمشى هنا رحنا الشرم اعوذ بالله مقطوع ويخوف الشاليهات مليانه امم وجمسات وصوالين من خارج ينبع وكمان الشقق المفروشه كلها ماشاء الله مليانه رحنا الكورنيش لقينا الوضع مزري ولا لعبة اطفال صالحه للعمل كلها مكسره ومصديه ومقطعه رغم ان عددها كلها على بعض 17 لعبه تكفي مين ولا مين وحفريات ومتاهات لا مقومات ولا مقعدات حتى ياحرام كل عائله ناصبه خيمه صغيره كدا زى اللعبه وجالسين يطالعوا فبعض لا ماء ولا كهرباء والقاذورات تملاء المكان ياحسافة لا نظافة
يبغوا بليله ما لقينا العم ابو زيد يبغوا ذره او حتى شعير لا اكشاك عدله ولا كبشتينو
ياناس ياعالم اغيتونا انقذونا من هذه الحرب الشعواء فين المسؤولين فالمحافزة والبلدية والقاعه التجاريه فين رجال الأعمال يتبرعوا بمداريح ام حبال بس فالحين ندوات وعزايم وتصوير وتصريحات والندوه الجايه عن النمله وصبرها وجلدها عندما ارادت ان تتسلق السجره ولم تفلح جاتها داهيه الا بعد سبع مرات
ويجيك التصريح التالي : صرح سعادته قائلا ان ينبع تمر بفترة خصبه للاستجمار معليش غلطة مطبعيه من الصحيفه يقصد الاستثمار وعلى كل مواطن ان يتخلى عن رغباته خدمة للصالح العام ا ثم جا سعادة الثانى اوضح المهندس باشا ان الاستجمار متأصل فى المسؤولين لليجعلوا من المواطن المقهور عضو فعال فى المجتمع يدور فى سيارته ويحمد ربه ان عنده سياره صالحه وسليمه في البطانيج ومن ثم يدوخ ويرجع لبيته مع اولاده متنرفزين ويناموا بدون عشا عشان تفضى الشوارع ويستتب الامن وتنجح الخطة ... ( ؟؟؟؟ )
كنت اتمنى ان يقوم أحد المسؤولين الكبار في المنطقة بجولة تفقديه على ينبع خلال الاجازه ليراهم على حقيقتهم
( ؟؟؟؟؟ )
الشي اللى يزعل ان كل واحد يقولك اصبر وتشوف أحسن وها نحن صابرون وما زال الأمل في القلوب والعيون ....