سيبو البلديه وشوفو التعذيب فى جوازات ينبع

[كل ما اقفيت]

الاخوه الاعزاء الدكه عيد سعيد القناص بشـــــــــــــــير الشاهين هايم برضوى القرافى اشكركم على غيرتكم وحرصكم على اصلاح مايمكن اصلاحه واشكر عيدسعيد على مانقله من اخبار
واشكر الكاتب الكبير بشير الذى نور الصفحه ووجوده يضفى شرعيه ومصداقيه على الموضوع

نغتنم فرصة وجود الكاتب المميز بشير وأسأله عن موضوعين ويعطينا رأيه واحد يخص الجوازت واحد يخص البنوك
1 _ ادارة الجوازات تصدر تأشيره خروج وعوده للأجانب ومنها السائقين والخادمات هيا اسمع يابشير اخوك فى الله الشغاله وزوجها رايحين جاكرتا اجازه رحنا الجوازات قبل سفرهم بشهر لاصدار خروج وعوده الواحد 200 ريال خلى حكاية البنك على جنب جا وقت السفر فى الطريق للمطار حصل تصادم بعيد عنك الشغاله تكسرت يدها وتفقشت فوق الحاجب . فاتتهم الرحله وتأخرو ثلاثه اسابيع طلعو المطار رايحين ساعه وهم راجعين جيت ناقز حادث ثاني ولا ايه قالو بابا تأشيره انتهت طيب الله يعين على 400 ريال وحوسة الرياض والراجحى رحنا قالو غرامه ليه غرامه محد رد علي ياجماعه ردو قالو طوفت التاشيره قبل لا يسافرو لاحول كم الغرامه اسمع الــــــــــــــــــــــــــــــــــــــــــــف ريال ياخرابى ليه ياجماعه قالو النظام حقيت ايه محد رد علي واخوك يشمر وعلى المدير وزي منت عارف . يا مدير ارحمنا الــــــــــــــــــــــــــــف
ابغى افهم ليه ماهي 100 الطابعه 200 لهفتوها ودحين نبغى نعيدها وفوقها الـــــــــــــــف يامدير الجوات قال يارجال
خذها منهم فسقانين طيب ليه يقلي طيب ليه ماسافرو اقله حادث صارعليهم يقول ليش ما لغيت التأشيرات طيب حصل اللى حصل الف كثير اتريه ماهو داري حقت ايه الف ريال . مافى فايده والشغاله قاعده تصيح طلعت الالف ريال واعطيتها للرقيب واشوفه يطل في كأنه مستنى حاجه قال الواحد بالـــــــــــــــــــــــــــــــف ايييييييييييييييييييييييييييييييييييييييييييش ويسمعو حسك رجعتهم البيت السنه الجايه انشاء الله . ماهو رأي كاتبنا الكبير بشير الف حقت ايش بس افهم وبعدين ادفع يعنى اللى عنده عشره جوزات عشره الاف يابشير الله يخليك شوف لنا حل خلينى اقلعهم جاكرتا . شوف ياعم بشير ودينى ومعبودى الفين مدفعها لو يتمنطرو ليه ابغى اطلعلهم جنسيه . وشكرا لك يابشير

بكره انشاء الله نتكلم عن البنك العربي حا خليها حلقه بجلاجل بهدلو الوالده رايحه جايه من املج على تقاعد الوالد 720 ريال مايجي من تعبها والوالده مرضانه وبنك الرجحى والرياض جنب البيت . حتى الوالده مسكينه تعبت من المشاوير كل ما تشوف المكينه تقول وقف
وقف هذه بنك وتزعل تقول اشمعنا فلانه وشمعنا فلانه . ما اقتنعت غير لما قلتلها تقاعد الوالد باليورو يأمي لأنه كان سفير فى الدنــــــي مرك قالت فى الدني ايـــــــــــــه قلت ادعيلو بالرحمه وادعى على البنك العربي