رديح الشاب فواز صلاح العلاطي كاملا الآن

[أبو رامي]

لحن زمانين
نشكر الأخ العزيز عبد العزيز بنية العروي على تزويدنا بهذا اللحن



جرى هذا اللحن بين
صف ينبع ( عايش الدميخي ومحمد جميل الريفي وناصر الحجوري )
وبين صف جدة

[poem=font="Simplified Arabic,6,darkblue,bold,normal" bkcolor="silver" bkimage="" border="none,4," type=0 line=0 align=center use=ex num="0,black"]
ينبع ( عايش ورفاقه )
رصيد ودي مع الميلاف = يوصل بنا المركز اللايق
من جانبي ما يجيه خلاف = مهما اعترض دربنا عايق
جدة
الكل يحرص على الميقاف= وميقافنا ما يجي سايق
رصيدكم ما يجيه إجحاف = لا صار جو الصفا رايق
ينبع ( عايش ورفاقه )
إنت تعرف الغرام أطياف = ما بين معشوق والعاشق
أسألك كيف المود يعاف = ويقرر البعد ويفارق
جدة
الود من ماضي الأسلاف = ماشي على خط متناسق
أشوف مالك عنه محراف = حتى ولو كنت متضايق
ينبع ( عايش ورفاقه )
على حبيب الفؤاد آخاف = وإحساس أهل الهوى صادق
هل عندكم للمود إنصاف = يفيد ويطمن الخافق
جدة
مثلك سعى فالغرام وطاف = ومثلك بلغ صرحه الشاهق
لازم تداريه باستلطاف= حتى معه تصير متوافق
ينبع ( عايش ورفاقه )
ضدي وضد الغرام أهداف = سوت لها بيننا فارق
وما دام دمع العيون يشاف = قدامك الشاهد الناطق
جدة
زيد الجهد جهد باستنزاف = يمكن يجي للأمل بارق
سلوم لأهل الهوى وأعراف = خلك على كسبها السابق
والدمع رحمه وفيه إسعاف = يطفي لظى جرحك الحارق
وما يشتكي غبون واستضعاف = من كان من موقفه واثق [/poem]

وانكسر اللحن






كسرات قيلت في كسر اللحن

[poem=font="Simplified Arabic,6,white,bold,normal" bkcolor="deeppink" bkimage="" border="none,4," type=0 line=0 align=center use=ex num="0,black"]
زكي محمد الذبياني
قمة جبل والسهل دونه=تزلزلت كلها بركان
كيف اجمع الوضع واصونه=من قبل لاتشتعل نيران

محمود عزازي
عانيت من اجلك المأساه=وانت تفنن بتعذيبي
سببتلي جرح ماانساه=وعكرت صافي مشاريبي

جباره العروي
متى نشوف القلوب صحاح= متجرده من ضغاينها
والنفس من همها ترتاح=تفرح والافراح تعلنها
عبد العزيز العروي
كمل صفوفه ورتبها= حتى ارتقى فالمراقي فوق
وكل الاشاعات كذبها=اللي ادعت في هواه خفوق
عايش الدميخي
من قال راح الغرام ومات=وشيعوا ناس جثمانه
يجي يشوفه وبالاثبات=متالف رجال ميدانه
احمد عبد الله
قلبي لذاك الحبيب اشتاق=اللي تعود على صوته
والان في وضع ماينطاق= مثل الذي ينتظر موته

عبيد العمري
يامن هدمت البناء والصرح=وغيبت شمسي قبل لاتغيب
كل مابرى جرح باقي جرح =ياجرح الايام كيف تطيب
ماجد أبو مديدة
عزيز قلبي ولا هو لاش =حرام يشكي من وداده
طشوه في غرفة الإنعاش = حتى كره يوم ميلاده
نايف الشطيري
عجيب أمر الهوى لاصد = وسلط جنوده على الإحساس
لافيه دبره ولا ينرد = يسقي المودين مر الكاس

يوسف الكشي
يدوم فن الصفا ويطيب = من طيب جمع الأحبة فيه
ويبقى للأجيال منهج طيب = لأهل الأدب لاصفى صافيه
[/poem]