قصائد الشعر الفائزة في المسابقة


المركز الأول / أبو فــواز

بسم الله الواحد الرحمن=خط القلم خط بيديه
يوضح الشرح بالاتقان = والبينه فيه مرويه
انزل على محمد القرآن=واسمى سور جات موحيه
كتاب نزه عن البهتان= بالنور بارض السعوديه
بالحق يهدي بني الانسان=باعجاز وايات كونيه
ويدون الفضل للمنان= للناس منزل عموميه
زال التغابن من العربان=وصار التعامل بوديه
وصار البلد امن واطمئنان =وانهى زمان العبوديه
والمؤمنون اسسوا سلطان=وزالوا حصون اليهوديه
بالصفح والعفو والغفران=عم البلاد الاوروبيه
اشرق كما الشمس فالبلدان=والروم هزمت علانيه
تشكل الملك بالايمان= وصار العرب نارهم حيه
فالحج صار الجميع اخوان=وجميع الاحزاب ملغيه
والفجر نوره علينا بان= عيدين في كل حوليه
توحد الصف والوجدان=تحت الاراده السماويه
وصلوا على متمم الاديان =ماسبح النحل يوميه
[/poem]

المركز الثاني / خير الله

1/ يا عالم الغيب يا منـّان= يا خالق الكون يا قادر
2/ بحق من أنزل الفرقان= وبما حـوى سِـفـْرُه العاطـر
3 / وبما قريناه في الرحمن= والحمد لله في فاطـر
4 / أسألك يا مبدع الأكـوان= تستر على عبدك الصابر
5 / الفاتحة أول القرآن= والفتح نـُصـْره على الكـافـر
6 / الروم من بعدها لقمان= حكمة وهبهـا إلى الشاكر
7 / واللي قـرا نــوح والإنسان= فيها عبر تقـنـع الفاجـر
8 / دارت على يوسف الأحـزان= ويونس لربـه بقي ذاكر
9 / كل شي مـُنـْزل على الإتـقان= هاذاك مخفي وذا ظاهر
10 / كل القصص صاغها الديان = تغني عن الشرح يا شاطر
11 / تبـت يـدا تصْـلي النيران= والنور تشرح لك الخاطر
12 / والطور والنجم كالبرهان= والفيل ترتيبها العاشر
13 / نقـرا ألف ميم بالإيمان= حم تبـدا بها غافـر
14 / تنزيل محكم رفيع الشان= ما يمسه إلا بشر طاهر
15 / بتلاوته تـدمع الأعيان= والقلب بحيازته عامر
16 / دايم منزه عن النقصان= دستور ما ينكره ناكر


المركز الثالث / فـــايــز

أبدا بذكرُه وتكبيره= الواحد العالم الجبار
الكـل آمن بتدبيره=سبحانه الخالق القهار
أنـزل كتابه بتقديره= وبمعجـزاته خفـا وجهــار
كـل القصص في تفاسيره= تبقى لأهل العبر تذكــار
مريم وطـه بتصويره= والفاتحة أول المشوار
ناخـذ من النحل تفكيره= والكهـف ساقت لنا الأسرار
جانا نبي الهدى نـوره= بدد ظلام الكفر أنوار
ما عاد يأتي نبي غيره= والأنبياء كلـهم أخيار
الروم قرت بتأثيره= والفرس أرسل لهم إشعار
والكـل ينظر بمنظوره= والشمس ما تحجب الأنظار
الملك لله تغييره= والواقعة تسرد الأخبار
والزلزلة من محاذيره= مثقال ذرة من القنطار
في الحشر نهجه وتسطيره= والبيـّنة مالها إنــكار
والكل يعرف بتقصيره= يوم القلم يكتب الإقرار
ما عاد تنـفع معاذيره= والغاشية تخلف الأعذار
أما إلى النار تمريره= ولا ّ إلى جنـّة الأبرار
[/poem]

المركز الرابع/ ناصر الحجوري


العيد جانا عساه يعود =عليك باليمن والايمان
ياشيخنا ياسليل الجود = يافخرنا ياصبي ( لقمان)
لك بالكرم والتقى مشهود = وقاضى قُضى تعدل الميزان
قدمت لهل(البلد) مجهود = عليه تشهد لك العربان
ويالله يارب يامعبود = ياخالق (الجن) و(الانسان)
تجعل سياق (القلم) مجرود =ب(الفاتحة) وسورة(الرحمن)
ونبدأنقص(القصص) من(هود) = حتى نصل صورة( الفرقان)
فرعون عالي وجاب جنود = تبني له الصرح مع هامان
ولما البحرإنفلق كالطود = نجاه من ينجي الغرقان
واصحاب كهف الرقيم رقود = تعدادهم مانعرف للان
مرات ينقص ومره يزود = وكلبهم فالعدد له شآن
و(يوسف)بصاع الملك موعود = ياخذ معه أصغر الاخوان
و(مريم) إليها تهز العود = ويسقط عليها رطب رويان
و(النمل) أضحك إبن داؤد = ضحكة شكر نعمة المنان
واوحى إلى (النحل) بين الدود =يخرج شراب العسل الوان
وارسل لنا (محمد) المحمود = الهادي لجنة الرضوان [/poem]


المركز الخامس/ ناصر عليثة

سميت بسم الله الرحمن=مرسل محمد بخير كتاب
وجبت القلم بكتب القيفان=الفجر بعد القمر ماغاب
بحروف يطرب لها الانسان=والناس تحسبلها بحساب
والجن تصغي لها الاذان= واهل البلد من ذوي الالباب
لانها فصلت باتقان =والنور من حرفها ينساب
فيها حكم من حكم لقمان= تكفي عن الشرح للاصحاب
مثل القمر فالسماء لابان=والليل فيه المسامر طاب
واجمل من التين فالبستان=والشمس تضفي عليها ثياب
شعري من الزخرف الفنان=كنه عسل والنحل له جاب
من قوته كالرعد له شان=لو الحديد استمعله ذاب
والعصرتتثاقل الركبان =دعوات الاخلاص فالمحراب
يالله يامنزل الفرقان = والطور والزمر والاحزاب
والروم والكهف والدخان=يامالك الملك يا وهاب
يامن لك الصفح والغفران=ياغافر الذنب ياتواب
يافارض الحج يامنان= واعددت للكافرون اعقاب
تكتب لنا النصر فالميدان= ويوم الحشر تفتح الابواب[/poem]