إنتظرونا في (حصيلته منه عظم كراع )

**أسد ينبع** · 02-12-2006, 08:37 PM

اسلوب التشويق عنصر هام لتنشيط وملامسة فكر القاريء للمتابعة

منتظرين على احر من الحمر يااستاذ

**أبو رامي** · 03-12-2006, 01:40 AM

هذه رائعة المعلم الجديدة التي وعدنا بانتظارها ، وحيث طال الانتظار فقد اتصلت به أستعجله .. إلى متى ننتظر ؟ قال قصيدة جديدة تحكي بعضا من واقع مجتمعنا وسوف أرسلها لك على البريد لتلقي عليها نظرة لأنني أنوي إجراء بعض التعديلات عليها قبل تنزيلها .. ولكنني لم أطق التأخير حتى ينتهي من التعديلات والأعضاء مثلي منتظرون
وها أنا اسارع بعرضها عليكم وليعذرني أبو خالد في هذا التصرف
وإذا كان ثمة تعديلات قادمة فيمكن أن نقوم بها لاحقا

[poem=font="Simplified Arabic,6,black,bold,normal" bkcolor="silver" bkimage="" border="none,4," type=0 line=0 align=center use=ex num="0,black"]
طاح المطر وأعجب الزراع=والكل حضر معاميله
هذاك يشرى وهذا يباع=والأمر واجد تفاصيله
رياض وألا اراضي وساع=كلا على حسب تمويله
حراث يحرث ولو هو باع=محسوب من وقت تشغيله
هذا يحمل وذا بياع=وهذاك لاجاه يهديله
منه غفل عن حلاله ضاع=وتاسف لحاله وتاويله
بعض المزارع تجي بالقاع=يخاف لنه حدر سيله
كانت لأهل الابل مرباع=وأهل الغنم والتفا ليله
واليوم ترجع غنمهو جياع=واهل الابل مالهم حيله
كان الولد للأبو تباع=هذا يحطه وذا يشيله
واليوم من نومته ماثاع=حتى لو انه يناديله
في سابق الوقت لو ماطاع=سودا لياليه ياويله
واليوم يستعمل اللماع=والعطر يشريه وكريمه
الأب من حالته ملتاع=والأم صلت وتدعي له
يالله تعدل الأوضاع=هذا الزمان وتماثيله
واللي يفكر ويلقى الضاع=يعالجه بعد تحليله
والبنت تكاسر البياع=مابين رفعه وتنزيله
قادن وسرنا لهن أتباع=لايغرك اللبس والزيله
فالمجتمع خذ ثمان أتساع=الأم سارت أبو العيله
وان كان لأمرها ما انصاع=سوت مشاكل وهليله
بعض العرب لو طويل ذراع=تلقاه بالبيت شخليله
ورجال منها حسين اطباع=قبل زمانه على ميله
هذا بعض ما نشوف وشاع=هذا الزمان وتهاويله
هذاك نايم وهذا ساع=يقبل ويقفي بزنبيله
زماننا ذا خروق وساع=ورقعها صعب تاجيله
في الوتر ندعي وفي الاشفاع=يارب نطلبك تعديله
السوق ساير ملم اسباع=والكل مشقيه تحصيله
حصيلته منه شعر كراع=يبكي وبلل مناديله
الله مايقبل الخداع=اللي كثيره ثآليله
الكل يبحث عن الفزاع=واليوم شحت أماثيله
إن مس دينه أحد جزاع=لو حاول البعض تعليله
بندكت وهاذولك الأتباع=يالله ياربنا تزيله
الله لدينه ترى مناع=مافاد الاشرم كبر فيله
ولا تسير للشايعه سماع=وابليس يرجفكم بخيله[/poem]

**رائد** · 03-12-2006, 01:55 AM

المشاركة الأصلية كتبت بواسطة أبو رامي

[poem=font="Simplified Arabic,6,black,bold,normal" bkcolor="silver" bkimage="" border="none,4," type=0 line=0 align=center use=ex num="0,black"]
الغصن = التعليق
منه غفل عن حلاله ضاع = القانون لايحمي المغفلين
كان الولد للأبو تباع = الأب فرط فالتربية
والعطر يشريه وكريمه = كله بالتزييت
واللي يفكر ويلقى الضاع = هنا مربط الفرس
زماننا ذا خروق وساع = يالطيف
حصيلته منه شعر كراع = شعر ولا عظم
+++++++
ولا تسير للشايعه سماع=وابليس يرجفكم بخيله[/poem]

الله يعطيك العافية يامعلم