رديح أبنا الأشتف

[أبو رامي]

لحن زمانين
[poem=font="Simplified Arabic,6,darkred,bold,normal" bkcolor="silver" bkimage="" border="none,4," type=0 line=0 align=center use=ex num="0,black"]
أملج
كيف اجعل الظالم الآسي = يمعن لنا بالنظر ويشوف
يعطف على القلب ويواسي = قدام يكثر عليه حسوف
ينبع
من كان بيطار وسياسي =وملاطف القيل معه يلوف
مهما ارتوى مر ويقاسي = يسعى على غايته ويطوف
أملج
آنا أشتكيلك أمر قاسي = وين الطبيب الذي معروف
أثر على قلبي الراسي = اللي عليه الضلوع صفوف
ينبع
ما شي يصعب ولا يراسي = ولا حي عنه السعي مكفوف
من كان مسعاه بقياسي = ينول ما يرتجي وينوف
أملج
ماني لهذا الأمر ناسي = ولا ني قصير النظر والشوف
لهيب قلبي من إحساسي = لأجلي عن ملايمه موقوف
ينبع
لأجل أيش حاير ومنحاسي = وإنته على بينه بوصوف
انا في عرفي ومقياسي = راع العزم ما يجيه عزوف
أملج
اسقيتهم من صفا كاسي = رحيق جم الشهد مقطوف
لكنهم زودوا باسي = ما كان ذاك العشم مخلوف
ينبع
يبقى الوفا دوم نبراسي = سجله الطيب والمعروف
هذا ما شوفه وجلاسي = واللي لهم فالموافى وقوف
يا كم فالكون من ناسي = تخالف العرف والمألوف
ولا يهد مبنى على ساسي = مهما توالت عليه ظروف
وانكسر اللحن
[/poem]

لحن مالك الروح
[poem=font="Simplified Arabic,6,darkred,bold,normal" bkcolor="silver" bkimage="" border="none,4," type=0 line=0 align=center use=ex num="0,black"]
ينبع
اصغي لنا والأمر لزم = بحث المسائل معك في الحال
لأنه الوضع متأزم = عن حالنا كل يوم فحال
أملج
آنا مع المشتكي مهتم = متابع القيل والآمثال
وإن كان تبغى الجواب أقدم = عطني ملخص عن الأحوال
ينبع
صوب النظر والمسامع تم = مثبوت هذا ما فيه جدال
يرضيك هذا الأسى والسم = وآنا أداري ليالي طوال
أملج
الحال وضعه كئيب يغم = من طالع القيل والأقوال
وشله عليك الأسى يلتم = يتعب فؤادك ومنك ينال
ينبع
مادام وضعي لكم حكم = حسب الجواب الذي منقال
قللي قبل حالتي لا تعم = أكيد عندك دواء ينطال
أملج
الطرش سمعوا لنا والصم = ما غيث ينزل بدون خيال
المرء عن حالته أعلم = وعن مصدر الضيم والإشكال
ينبع
فيما قبل قلتلي منغم = والآن قفيت بعد إقبال
مدامك أثبت متظلم = محشوم ماانت من الجهال
أملج
آنا بكل المعاني ملم = عندي إجابه لكل سؤال
تغير النهج يا معلم = طوحت عن جانبه في جال
وانكسر اللحن
[/poem]