في سهرة ممتعة مع الاستاذ والفنان والشاعر عبد الجليل الرويسي
في مجلس خادم ينبع المشرف العام أبو ياسر
وبحضور الشاعر ابوفواز والشاعر فيصل فران
الاربعاء ليلة الخميس الموافق 24 /10/1427هـ
كان الحديث عن ليالي الصفا ايام زمان
وعن الرديح والكسرات والمراسلات والزهرات
ومعروف ان الرويسي سلطان مجلس واستطعت ان احصل على بعض الكسرات
منه التي قالها لنا وكانت ليلة لاتنسى مع ابو كرم
وطلبت منه ان حديثه هذه الليلة نعتبره حديث ضيف على المجالس الينبعاوية

بعد ان قدم شكره لمنتدى المجالس والمشرفين والاعضاء
يقول انه ارسل له صديقه الاستاذ احمد ابونوب المشرف التربوي الذي يعمل
في جمهورية اليمن الشقيق كسرة يقول فيها
[poem=font="Simplified Arabic,5,white,normal,italic" bkcolor="darkred" bkimage="" border="ridge,8,burlywood" type=0 line=0 align=center use=ex num="0,black"]
احمد ابوناب
ركبت للقلب باتريوت = وحطيت عنده جهاز انذار
لقيت سهم الغرام يفوت = للقلب مايرصده رادار
عبد الجليل الرويسي
اه الهوى لو غزاك تموت = اذ لم تحصن منه ياخيار
يرصدك لو كنت في بيروت = ويبحر معه سكود داير دار




احد الاصدقاء ارسل له يقول
لاوالله هل البلا جاني = وانا جنيت البلا بيدي
من حين قفا وخلاني = الان ماتقلني رجلي

وهذا رد عبد الجليل الرويسي
كم حي على مر الازماني = كوته سود الليالي كي
وانا على حسب ماباني = اللي بكم مايسمى شي
وليابك احساس وتعاني = عده كانه ظلال وفي
الود لاصار قوماني = ويش الذي يرتجيه الحي

وهذه كسرة ارسلها له شقيقه
الفنان عبد الحكيم الرويسي
لايتذكر منها الا غصنين
وانشاء الله احصل عليها
من عبد الحكيم واكتبها

؟؟؟؟؟؟؟؟؟؟؟ = ؟؟؟؟؟؟؟؟؟؟؟
ماشي هنا يشرح الخاطر = حتى انيس الهوى عفناه

وهذا رد عبد الجليل
يابعد عمري عسى ماشر = ابدا عليك الاسى مارضاه
من عاش يومه يشوف اكثر = والحر منه وثق ممشاه
فالوقت واللي عنه اخبر = عكس الذي ترغبه تلقاه
تبني امل والامل خاسر = وتبلغ امل من زمن تبغاه
ثقيل حمل القدر جاير = فايق مراره صفا حلياه
وجاري الوقت والساير = على كده والامل في الله

زهرات عبدالجليل
1
صفحة من كتاب ذكرى الامس = طويتها وقلت مابغاها
مابغى جناب الفؤاد يحس = وعيون تذف جمر ماها

2
ميلاف روحي ومتلفها = مايوم اشفق عليها وحن
ان كان مالان واسعفها = باسباب ميلافها تدفن

3
اشوف ليلي معي ليلين = مع من ذبح روح ودماها
سهران وسقم السهارى شين = كم اتلف عيون واعماها

4
لو للهوى شرع ويدينك = ويحكم على الظالمين اعدام
مالنوم يهنى وسط عينك = وانا سهير الجفن مانام

5
اخذت قسمي سهر وجنون = ونت منام الهنا قسمك
لي قلب يهتف لكم وعيون = ماغمضت يوم عن رسمك


وهذه خاطره للرويسي
لو كان تحسب عمر وتعد = اللي منه حيل متعني
يلزمك ثاني عمر في رصد = كل شوق غادر لكم مني
من حين وانا في سن المهد = حتى ونا عود في سني
يجري لكم عد ماهو عد = اعظم منه نهر ساكني
والحين لما قطعت الوعد = توفي معايا حسب ظني
ارتحت يعني وجسمي رد = واشوى والايام لكني
لاتى المسا حين ماارقد = ياتي لكم طيف واشغلني
اشتقلكم حينها فالبعد = وهاجس من الشوق ماكني [/poem]

هذا ضيفنا هذه الليلة وقد قدمنا له الدعوة للتسجيل معنا في
منتدى المجالس الينبعاوية واو عدنا خيرا