مسحت هواء لاقتفاء الجره

[الريفي]

الاخ الغالي غريب الشرق
حضرت لاسجل اعجابي

تحياتي

[غريب الشرقيه]

خالد باجنيد شكرا لمرورك الله يجعل ايامك فرح وسرور ولك التحيه والتقدير
المغامسي صح بدنك وشكرا لمرورك ولك مني تحيه وتقدير
الاخ عميد الغباوي شكرا لمرورك الله يعطيك العافيه

[غريب الشرقيه]

شكرا لمن ساهم ودخل على المشاركه

[اهل الركايب]

الاخ العزيز ابو عناد انا عارف انك زعلان عليه لكن الشرق ديم يشرق بالانوار وارجوا عدم المواخذه يابن العم انا حاس اني انا السبب في كل مايحدث لك ولو تامر عليه اترك النت واهله واستلم

[poem=font="Simplified Arabic,6,white,bold,normal" bkcolor="transparent" bkimage="http://www.alhejaz.net/vb/images/toolbox/backgrounds/22.gif" border="solid,10,orange" type=1 line=0 align=center use=ex num="0,black"]
غريب لابدنا من روح=يم الذي كاشفن امره
لكنه الوضع فيه اشحوح=وانت الحقيقه لكم عذره[/poem]

[غريب الشرقيه]

اهلا ياولد العم هو انا ناقصك ارجوك انا عارف انك تبي تجرنا للحن يجر علينا الويلات فارقني وارجوك غير تنسقك للشعر الناس كلهم شاكين اني انا راع الركايب من كثر الاسماء المستعاره الله يعين وخذ هذا الرد واعتبره اخر رد لاجيك فالجريد الاخضر

[poem=font="MS Sans Serif,6,black,bold,normal" bkcolor="transparent" bkimage="http://www.alhejaz.net/vb/images/toolbox/backgrounds/17.gif" border="solid,10,red" type=1 line=0 align=center use=ex num="0,black"]
ابعد وروح انا مجروح=من ناس بالنت منتشره
سار الخطاء عطرهم بيفوح=والقلب به نار مستعره [/poem]

[اهل الركايب]

اقلك يابن العم والله مافيها اما تشهدلي بالشعر والا ابهذلك بهذله وكل ماشفت مشاركه لك ادخل واعطي رايي واستلم

[poem=font="MS Sans Serif,6,black,bold,normal" bkcolor="transparent" bkimage="http://www.alhejaz.net/vb/images/toolbox/backgrounds/17.gif" border="solid,10,orange" type=1 line=0 align=center use=ex num="0,black"]

ياعل وقتك فرح وفروح=ولاتشغل النفس بالنشره
واحد قلب منتدانا سروح=هو شخص واما القلم عشره[/poem]

[غريب الشرقيه]

حسبي الله ونعم الوكيل يامن شراله من حلاله عله
ياهملالي ياهملالي ياهملالي ياهملالي
ياخي انا عرفت انك من يوم طبيت النت تحسبه سوق الجابريه ياخي هذا نت العالم كله يشفون معيطي في النت فرحت علينا كثير من الناس يااخوان الفزعه احد يفكني من البلشه اهل الركايب لا وركايب عشرين عليها العدد مدبول يعني المقمع وتطريفها ما تفكنا الله يخارجنا

لكن استلم انا لابد ماسكتك شوف لو اللحن ذا يستمر معي اربعين سنه يالغشيم المتعافي والله ماهو منك من رطب الفروخ

[poem=font="MS Dialog,6,black,bold,normal" bkcolor="orangered" bkimage="http://www.alhejaz.net/vb/images/toolbox/backgrounds/17.gif" border="solid,10,red" type=1 line=0 align=center use=ex num="0,black"]
اعرفك تقلب فرحنا تروح=ابعد عسا فالك الكسره
اللي بنغمها تسير جروح=والقلب توحي به الحسره[/poem]

[اهل الركايب]

ماهو من حقك تذكر اسمي بالنت (معيطي) ياأخي ذحين اخوي اللي في لندن (معيطان) يحضر الدكتوره عن الفاغيه وريحتها يشوف اسمي يحلف عليه ماعاد اطب النت واستلم

[poem=font="Arabic Transparent,6,white,bold,normal" bkcolor="transparent" bkimage="http://www.alhejaz.net/vb/images/toolbox/backgrounds/22.gif" border="solid,10,red" type=1 line=0 align=center use=ex num="0,black"]
ممديك سار الامر بجنوح=ولابد ماتكبر الغبره
والامر فيه الجروح تروح=لكنه القلب في غدره[/poem]

[غريب الشرقيه]

والله نكته اخوه يحضر الدكتوره بالفاغيه ابشروا ياهل ينبع بيجكم عطر بريحت الفاغيه ياسلام المصنعون (معيطي ومعيطان ) ياما ترا العين وياما تشوف
ياأخي خليها دكتوره في الكوي في الحجامه في الصقرق وفويده في المحلب وفويده في الحلبه وفويدها في الصبره والحلتيته علاطول عن الفاغيه وعطرها والله نكبه ياهل الركايب لكن استلم

[poem=font="MS Sans Serif,6,black,bold,normal" bkcolor="transparent" bkimage="http://www.alhejaz.net/vb/images/toolbox/backgrounds/17.gif" border="solid,10,limegreen" type=1 line=0 align=center use=ex num="0,black"]
والله لادعي عليك الروح=تسير في حال منكسره
ابعد عسى شوكت الصفوح=تسير بالجلد منتعره[/poem]

المعاني يمكن اخوك اللي بلندن مايعرفها
الصفوح شوك ينشب في صوف الغنم
منتعره يعني زي الابره مندقه الى العضم
بس البدو يقلون الشوكه منتعره
والمعني تعر يتعروا تعرا فعل ومفعول وفاعل ضميره المنتعر معيطي

[اهل الركايب]

والله مشكله جبت اسمي واسم اخوي شوف (ياسعد) الله لايسعد عدوك اخوى ا اللي بلندن ويشلك فيه وتري اعلم الخلق ان يوم جاك ولد جدك سماه عناد وانت سميته معاذ ياأخي لاتخلينا انتفضح بالنت قال ايه عطر فاغيه اقلك ماابغاء اطولها استلم

[poem=font="Simplified Arabic,6,black,bold,normal" bkcolor="transparent" bkimage="http://www.alhejaz.net/vb/images/toolbox/backgrounds/17.gif" border="solid,10,orange" type=1 line=0 align=center use=ex num="0,black"]
قريب منكم تري مملوح=وانا وانت على العسره
لاتدعي ادعاك ياشلفوح=ارجوك لاتبعد النضره[/poem]

[غريب الشرقيه]

والله الضاهر ان راسك من جبل رضوي لكن استلم وعساه ينفع معك اشوف ماحد ساعدني عليك شكلك تخوف انا سمعت انهم شطبوك من منتدي ديرتك عسى يكون هنا شرحه لكن استلم عسى يثمر فيك

[poem=font="Simplified Arabic,6,,bold,normal" bkcolor="transparent" bkimage="http://www.alhejaz.net/vb/images/toolbox/backgrounds/17.gif" border="solid,10,orange" type=1 line=0 align=center use=ex num="0,black"]
نبغي نسوي معك بصلوح=ونكرمك ياطيب الاسره
الضاهر انك ولد صفوح=وتسير عقب العداء عشره[/poem]

[اهل الركايب]

اخي غريب الشرق لقد شغلت عنك واسف على التاخير من شاف المزيونه مابغاك لكن لابد من لقاء

[poem=font="Simplified Arabic,6,white,bold,normal" bkcolor="transparent" bkimage="http://www.alhejaz.net/vb/images/toolbox/backgrounds/22.gif" border="solid,10," type=0 line=0 align=center use=ex num="0,black"]
يامرحبا والصلوح ملوح=فالصاحب اللي له الكره
شغلت عنك مع المجلوح=اللي جنح فاخر الندره
لكنه الوقت فيه اسلوح=والسلح ماينعطي نضره
واليا توكدت من المربوح=ابغاك تكفيني النصره[/poem]