قصيده وردها بين ضمن السناني وسعد الهلولي

[الجهني]

الرد من الشاعر ضمن السناني على قصيدة الشاعر سعد الهلولي :

[poet font="Simplified Arabic,4,blue,bold,normal" bkcolor="transparent" bkimage="backgrounds/13.gif" border="none,4,gray" type=2 line=200% align=center use=ex length=0 char="" num="0,black" filter=""]
مرحبا بالصاحب اللي شكى الوقت العسير =عدمن صلىصلاته و فيض مدمعه
في رحاب البيت يمم وكبر للقدير = يستجير بقدرة الواحد اللي يسمعه
من عذاب الله بيوما عبوسا قمطرير =يوم فيه المرضعه تترك اللي ترضعه
يجعل حسابه على روحه حسابا يسير =يأخذ كتابه بيمناه عالــــــي يرفعه
ناس للجنة و ناس تساق لزمهرير = والسعيد اللي مع الهادي الله يجمعه
الرسول اللي لنا جايب الحق و نذير =يشفع لمن يتبعه بأذن رب المشفعه
وتصبح الفردوس حظه وبخته والمصير =بين حورا عين شوفه و سمعه متعه
ذي تراحيبي تصل للهلولي لا لغير = صاحبي راع الوفاء بالمواقف ما أشجعه
صيدته لنه مكنها فالمرمـــي خبير =مير تال الوقت ما ادري وش اللي مفزعه
تاه في و سط المفالي ولا قاس المسير =ما لقى له حب يوم الرحى له جعجعه
والهوى راعيه قالوا ترى عاشق ضرير =ما يشوف الدرب لو قدم عينه مقطعه
وما يفرق الهوى بين محتاج و أمير =لا نزل وسط الخفوق ماشي شيا يمنعه
و لا يغرك يا سعد العنود المستذير =لو كشف زينه ولو حط دونه أقنعه
أن سرى في ليل ولا مشى وسط الهجير =لو يسبل رمش عينه ويمك يرفعه
ولو لبس عقد الذهب واكتسى ثوب الحرير = كان ما يلبس ثياب الحياء ما تنفعه
وكان ما نبعه من المنبع الصافي غزير =لا تمد رشاك قفل خفوقك و اطبعه
لو مشى في خلفها جمع والموكب غفير =يا سعد روس العرب ما تعود إمعه
وكان صافي منبعه لا صحيب ولا خشير =جود حبالك وتروي ضماك و تقطعه
لجلكم بالجاه نفزع و بالمال الوفير =و أن تبي في سلم و لا فحرب وموقعه
يا سعد حنا معــك و الله انا ما ندير =من زبنا يا سعد ما تصيبه زعزعه
يا ولد مسعود سقنا لك الراي البصير =و أنت شاعر تفهم الحجه اللي مقنعه
والشعر يا صاحبي ما أنت في بحره غرير =من جزيل الشعر تبدع و تكتب أروعه

[/poet]