قصيده وردها بين ضمن السناني وسعد الهلولي

[الجهني]

تسلم ياابو مسعود على هذه القصيدة وصح لسانك 0
قصيدة جزلة من شاعر رائع ولا هو غريب على
ابو مسعود هذا الابداع 0

وصح لسانك ياابو عواد على هذا الرد الجزل 0

ملاحظة اسمحوا لي بإعادة تنسيق القصيدتين بكود الشعر :

قصيدة موجهة من الشاعر : سعد الهلولي إلى الشاعر ضمن السناني :
[poet font="Simplified Arabic,4,black,normal,normal" bkcolor="transparent" bkimage="backgrounds/13.gif" border="none,4,gray" type=2 line=200% align=center use=ex length=0 char="" num="0,black" filter=""]
سلام مني مثل نو ا فبرقه نستنير =خال برقه فوق رضوى اللي بسد المجمعه
وانتثر ماه لين الأرض صــــــــارت غدير =ولا بقى فوق الوطى شي حافظ موقعه
لين سيل الأجرد يعانقه سيل المحير =ولا تجي عشرين يوم الا الديار مربعه
من خضار الأرض تقل فارشها حصير =تشبع الزمل لو هي بالتلاع موشعه
ذا سلامي لمن جينا بعرفه نستجير .=للسناني نسوق السلام وندفعـــــــه
بعدها نشرح له الحال و الوضع المرير =بالزمان اللي رمانا بدرب المعمعه
الهوى تال الزمن صاب هالعبد الفقير =روح بقلبي من الناس من لا رجعه
لاح لي وسط الزحام وصرت للموقف أسير =له ما ندري نضيق الدرب ولا نوسعه
كنه أليا مشى ياطأ على شوك الخشير =ما تقل يلمس من الأرض ياكود أصبعه
خايف من الأرض لنه وطاها تستذير =أو يخاف أن الحفاء لا وطابه يوجعه
لا رفع رمشه تقل طير جنح للمطير =فوق عينا سحرهـا بالوجود توزعه
بعد شوفه صرت لاني بشر و لا بخير =رحت انا وهمي معاي وراح هو قلبي معه
بالقناصه كنت أنا راعي الفعل المثير =بندقي تطرح من الصيد أربعه أربعة
لين شفته صرت مالي مطار و لا مطير =كني اللي قل عزمه وضاع فمسبعه
أو كما اللي منتقل سيف حد بلا جفير =وده يقطع بـــه الخلق لكن قطعه

لاني أول ضحاياها و لا أظن الأخير =يا كثر خلق الله اللي في هواها مولعه
ما تعلى عن هواها لا صغير ولا كبير =مطمعه صارت لكل هاوي مطمعه
الصغير يقول هاته ما دام أني صغير =و الكبير يقول هــاته نويت أدلعه
نعنبو حظه لعب في معدوم الضمير =ضيع الله عمر شرواه عمري ضيعه
قلت دام براي الأجواد دايم نستنير =و العوارف رايهم ما به ألا منفعه
أسند القاف لـلـــي بقافي مـــا يحير =شاعر يكمل البيت لأوحى مطلعه
يا ضمن سقنا عليك القوافي نستشير =وأنت هات اللي تجيبه وحنا نتبعه
مير عجل يا ولد عواد شف وضعي خطير=هرجة الضيقة ما هي مثل هرجات السعة

[/poet]