تكملة تهاني الشعراء وتسجيل انطباعاتهم عن كتاب غباوي الشاعر/ محمد جميل الريفي لعام/1426هـ


[poem=font="Simplified Arabic,6,white,bold,normal" bkcolor="deeppink" bkimage="" border="double,4," type=0 line=0 align=center use=ex num="0,black"]

محمد حسن المدرجي ابوعظمه

سلام جملة مع الـتحــرير = اعداد ماهو عدد واحد
للأهل والربع وأهل الخير = وانا لها اطيابكم حاصد
يا محمد الوجه منك منير = ساطع على الجو والراصد
لــجدودكم عـندنا تـقــدير = ومنا احترامات للوالد
جـــاني كتابك مع الـتـعـبـير = غبوات والحل متواجد
واشكرك دوماً على التفكير = فينا وعن حالنا ناشد

محمد جميل الريفي
جل التراحيب والتوقير = بعداد مافالملا ساجد
وإعداد ماورش النوير = تنصاك ياحضرة الرايد
مانبادل الزود بالتقصير = ولايحول دون الوفاء حاسد
توجتني بأعذب التصوير = وسهمك معي دوم متصاعد
مع الزمن ماخلفت السير = لو المدى صار متباعد
وعن مركز الذاكرة ماتدير = ولك ود في قلوبنا شاهد


صلاح العلاطي
وصلت هديتك من نبعك = وكلاً على الطيبه يطريك

من ساس اهلك ومن طبعك = هذا الوفاء يامحمد فيك

محمد جميل الريفي
لك احترامك ولك وضعك = ونستقبل الحرف ونحييك

متوارث الطيب من ربعك = وماتود غير الذي يغليك


محمد حامد السناني
منك الوفاء كلاً يعده = ماهو على حد تشريفي

والطيب نجزاه ونرده = مشكور يامحمد الريفي


محمد جميل الريفي
يامرحبا بالذي نوده = وأعدكم من مواليفي

ولك طيب ماينحصي عده = وافخر إذا شفت تأليفي

الزمــلاء // عبدالجليل لطفي وفايز الصايغ
نشوفها ابرك الساعات = جيتك وفي يدك كتابك
يحمل مضامين وروايات = أهديتها لكل أصحابك
يامحمد احمد ترى مامات = ولاجميل الذي سابك
انت وريث المثل مرات = رصيد ينضاف في حسابك

محمد جميل الريفي
من عندنا اجمل الباقات = يا من بالأمثال نحظابك
ولاشك هذا شعور الذات = اللي قريناه في خطابك
تشجيعكم حقق الغايات = وعذب المثل من تكسابك
ومايهمني فالطريق آفات = مادام محسوب فاحبابك


سالم باحكيم
ياراعي الطيبه معروف = ياصاحب أخلاق مرموقة

مرسولكم وصل المظروف = يحوي غباوي وموثوقة

محمد جميل الريفي
هذا الذي بيننا مألوف = وطيب الأحاسيس مسبوقة

وجانا وسام الفخر بحروف = منكم والأمثال معشوقة


مسعود المعبدي
لعل رب الملاء يعينك = ويجازي إحسانكم بإحسان

وبالأجر ترجح موازينك = نهار تُوضع على الميزان

محمد جميل الريفي
ماوفيك روعة مضامينك = اللي لها فالمشاعر شان
واللي كتبتوه بيدينك = وبله تناثر على الوجدان


محمد مسعود الصيدلاني
مشكور يالصاحب الغالي = ياراعي الطيب والتقدير

ذكراك دائم على بالي = لأجلك بهذا الوفاء ماتدير

محمد جميل الريفي
لك ود فالقلب متوالي = زايد على مُجمل التصوير

وإنت ومن ثمن أقوالي = نحفظ له الود والتوقير



فايز القليطي
وردك وصل واسعد الخاطر = كله درر والدرر من در

معطر الجو وهو عاطر = مثل النغم فالفرح ويسر

محمد جميل الريفي
حسن الأدب منك متواتر = وانت على الطيبة ياحر

ولك ود في قلوبنا عامر = مهما عليه السنيين تمر


حمدان الحمراني
سلام مع وافر التقدير = مني جزيل الشكر ينصاك
اللي عليه الدليل يشير = إن الوفاء تصنعه يمناك
في حُسن الأخلاق سرت مدير = ولاهي غريبه على شرواك
إصداركم بالدليل منير = الله يوفقك في مسعاك

محمد جميل الريفي
مِنا التراحيب والتوقير = يأمن جعلت الوفاء مبداك
ومايوم منكم حصل تقصير = لأجلك على الطيبه مرباك
لو المدى باعد التمتير = عذب الأحاسيس ماتخفاك
ومشكور ياراعي التعبير = ومع دورة الوقت ماننساك



مسعد عواد العزامي
مايرسمه عقلك الرايق = زود على إعجابنا إعجاب

مشكور وأقولها صادق = اغلي هديه من الأصحاب

محمد جميل الريفي
عليك تاج الأدب لايق = يامن جعلت المثل منساب

وما يحول دون الوفاء عايق = وانت فكل الأمور احضاب


عوده احمد الشطيري
مشكور وأجمل هديه منك = يالجاملي إبداعكم واضح

صادق وعبر عنه معدنك = دايم بهذا الأمر رابح

محمد جميل الريفي
هذا الذي عارفينه عنك = تمشي مع الطيب وتصافح

وحيات من صورك وأحسنك = لأبذل من الجهد وأكافح


خالد موسى القليطي
دايم على طيبك المعتاد = مايوم تنسى مودينك
سلام ياصاحب الأمجاد = من ناس بالود مغلينك
ياحر جانا على الميعاد = رسمك وفنك وتثمينك
ياعد باقي من الرواد = فالقيل مشهور من حينك

محمد جميل الريفي
وبل الحيا بالمعاني جاد = وحنا بالأمثال محرينك
ترحيب ياطيب الأجداد = وذخراً للأيام مبقينك
لك ود بين الحنايا زاد = لاغبت قلبي سأل وينك
ياعد من دوحة الاجواد = واجب وينصاك في أيدينك


يوسف الكشي
جانا لعميد الغباوي كتاب = من يد خادم بلد ينبع

مؤلفه فالمعاني حضاب = ومصممه فالغلاف ابدع

محمد جميل الريفي
واجب ومالي عنه مجناب = وانت في رسم المثل مُشبع

اشكرك وابغى اشكر النجاب = واحمد ابن ظاهر المرجع


العضو البنك
جاني كتاب الغباوي اليوم = اللي طبعته على حسابك
ومن فرحتي ماغشاني النوم = للصبح وانا مع كتابك
لأعل الأفراح دايم دوم = تجمعك مع جملة أصحابك
كل عام لأهل شهر الصوم = وانت على خير بأحبابك

محمد جميل الريفي
أسوم طيب المعاني سوم = وردي على مُجمل إخطابك
تسلم لنا ياعقيد القوم = ويسلم لنا كل نوابك
طرفك مايُلقى عليه اللوم = لأخليت بالحرف واخلابك
تقطع بحور المعاني عوم = والكل يثني على أدابك



خضر زارع الحربي
تسلم يمين الذي أهداه = اللي لهم فالغباوي سنين

ينتابني فخر يوم اقراه = غزر المعاني لها تثمين

محمد جميل الريفي
عذب الكلام الذي تسداه = مكنون ومدونه تدوين

وتوجتني ياعزيز الجاه = ياعد من جملة الوافين


سعد مسعد المحياوي
تشكر على جهدك الواضح = اللي بذلته بنسج القيل

وانت بما تفعله رابح =يتوارثه جيل بعد الجيل

محمد جميل الريفي
ياعد بالمعرفة راجح = نحفظ له الود والتجليل

وانت بعرفي رجل ناجح = في حل الألغاز والتحليل


بدر حسين السيد
إبــداع فن الغباوي جاد = والله من العين يحفظكم
سيروا على جادة الأجداد = وارقوا على فن والدكم
لأهل شهر الصيام وعاد = الكل يثني مشاعركم
ويدعوا المحبين والاعضاد = بصالح أولاد ينجبكم

محمد جميل الريفي
انت بهذا الوفاء معتاد = وحنا بالأمثال نشكركم
ياحر من دوحة الأسياد = هذا الذي من سوايركم
تاريخكم يبلغ الأشهاد = مع سابق الوقت حاضركم
ومحسوب من جملة الاوداد = والكل بالطيب يعرفكم


عبدالله الغانمي
يامنبع الطيب من طيبك = أهديتني يالعزيز كتاب

الله على طيبك يثيبك = وتشكر عدد ماحسب حسّاب

محمد جميل الريفي
نصغي للأمثال ونجيبك = بالود والطيب والإعجاب

لعل الأيام ماتصيبك = بالسوء ياكاسب الآداب



العضو/ الفتى
جات الهدية مع المرسال = مرسال دايم لكم يوفي

الثالثة جاتني فالحال = مشكور يامحمد الريفي

محمد جميل الريفي
تستأهل الطيب والإجلال = ينصاك من دون تحريفي

وتدوم ياطيب الأمثال = على امتناني وتشريفي


الزملاء طارق النزاوي وحامد الحجوري
وبدر النزاوي وحامد الرفاعي وسالم حداد
وعلي شحات الرفاعي

بإسمي وبإسم سالم الحداد = وبإسم الحجوري وأبو ياسر
وبإسم أبو تركي وبدر يزداد = تقديرنا يوصلك وافر
لاشك رايد من الرواد = وبفنك أستاذ ومحاضر
أحييت هذا التراث وعاد = من بعد ماكان متناثر
والكل يشهد لكم بأمجاد = بإثبات ماينكره ناكر
ومن عاش منك المثل ينقاد = بإصدار خامس مع الصادر

محمد جميل الريفي
كلاً معي بالموافى جاد = وأنا لعذب المثل شاكر
وهذا عليه الفؤاد إعتاد = وطيب النبا يشرح الخاطر
يا اصحاب من جملة الاوداد = لأني منكر ولامكابر
انتم على سالف الأجداد = اللي من المعدن النادر
أجهد عليها المعاني إجهاد = لعلها تسعد الناظر
لأن دون الشفا نقاد = من سابق الوقت والحاضر


انور محمد قاسم
بذلت ولسعيكم تُشكر = قدام موروثنا لايموت

وأهل الفهم عندهم تنصر = ولازلت في نهجكم متبوت


محمد جميل الريفي
يامرحبا بالكلام الدر = وأنت عليك الوفاء مايفوت

ومثلك على الطيب ماينكر = وعلى الأدب تستقيم بيوت


العضو البندر
جاني نصيبي من الوافي = امشي على منهجه واسير

اروى من المنبع الصافي = لما يجي كل عام بخير

محمد جميل الريفي
ابوك بالطيب ميلافي = وانت على منهجه ماتدير

وداً على ود متصافي = والبال خالي من التعكير



العضو/ برجس
شكراً حمادة على الإهداء = يارب تطول بعمرك

يكفيك ربي من البيداء = ماتضيق ويتسع صدرك


محمد جميل الريفي
مشكور ياراعي الإنشاء = وتعطر الحرف من عطرك
نحفظ لك الود والإطراء = وما يضيع طيبك ولأقدرك



ياسر الكبيدي
جاني كتابك وعاينته = وليا الأدب فيه متكامل

وهذا الذي فيك خمنته = راعي أدب بالأدب كامل


محمد جميل الريفي
قولك فالأعماق دونته = ومشكور هذا الذي أمل

ومادام بالطيب ثمنته = انا لهذا الهدف صامل[/poem]

موعدنا بحول الله مع كتاب الغباوي لعام /1427هـ وكل عام وأنتم بخير وصحة وسعادة