خارج عن ارادتها بسبب الاحوال الجوية .
هذا الكلام ممكن نسمع له ونصدقة في الماضي ,
ياشركة الكهرباء عند بدء مشاريعك وانتهائها سواء ابراج او محطات كنا نقرأ ونسمع عن المديح والاطراء لهذه المشاريع واليكم بعض ممانشاهده ونسمعه بين الشركة ومشتركيها وكيف التعامل والعلاقة بينهما
(الابراج هل تعلم عزيزي المواطن ان ابراجنا والتي تشاهدها ويقولك عقلك انها سلم حديد مثبيت رجوله في صبات لا.. حبيبي المواطن ان الحديد الذي يتكون منه البرج حديد لاتجده في الشرق الاوسط بل يعد الفريد ولايوجد حديد مثل حديدنا لا في اسيا ولا..في قارة استراليا واذا ماانتم مصدق نبشرك عزيزي المواطن اننا تجاوزنا اوروبا ..ايه اوروبا .نعم نعرف انك ماتعترف غير في اوروبا تجاوزنها كمان في مراحل .....والسر في المادة التي نرشها على الحديد لايصدا ولا ينطعج ونزديكم البرج الي تقولون عليه سلم تهب عواصف ..أمطار ..سيول ابراجنا هي ابراجنا .ماقلنالكم تجاوزنا اوروبا ..لكن حبيبي... الله الله وتأخير التسديد الفواتير ..كل شئ ممكن نمشيه ونسكت عنه إلآ الفاتورة .......مايسير احنا نصنع ونتعب ونتبهذل وانت حاط للرأس وسادة والرجل وسادة والمكيف يغرف فوق راسك وبكل عين بارده عند التسديد تقوم تحك راسك وبكل برود تقوم تفتش على اعذار واخرها تقول والله الفاتورة جامدة مبالغ خيالية . شوف ايه انت انت تعتبر عندي مشترك نعم مشترك دلعناكم مره عزيزي ومرة حبيبي لكن عند الفاتورة هذا كله مانعرفه وربي العظيم تأخرت قريشاتنا مالك يا المشترك غير المقص ها ..تعرف المقص والا نشرح لكم المعنى اظن انه مايحتاج نكرر.تجئ تبكبك اطفالي بالظلمه ذبحهم الحر عندهم اختبارات كل العلوم هذي شبعنين منها .ايه خلونا حبايب احسن اما اذا انتم زعلنين على انقطاع تيارنا عنكم خاصة في اختبارات اخر العام الدراسي هذا مالنا يد فيه نعم خارج عن الاراده حبايبنا كمان الحق عليكم عيالكم مايعرفون يأكلون او يشربون ومن زود المعنى كمان يذاكرون غير والبيت جالس مثل الثلاجه المكيفات والانوار طول الليل والنهار وهي على رجل لاتنطفي ولاتريحونها غصب تنقطع .كمان تعال ..ايه انت مشتركنا العزيز اشوف هاالايام كثر الصياح تجار قطعنا التيار عنهم كم يوم وايضا خارج عن ارادتنا يقولون ناوين يطالبونا ويدفعونا الخسائر الي خسروها .يسلام ..سلم طيب انتم وينكم طول السنين الي مرت ومطالباتكم يوم نفصل التيار ايام وايام وحتى العذر الي نقوله لكم اليوم الي هو خارج عن ارادتنا ماكنتم تشوفونه .اما مسئلة سقوط الابراج الاخيرة هذه وانقطاع التيار عنكم اظن مالنا هرجه العذر واضح وعيونكم شواهد والله يعينكم تصبرون معنا عاد مالكم حيله الصبر اوصيكم في الصبر الى ان تفرج وترجع الامور على سابق عاهدها وياحبيبي يوم تدخل غرفتك والفريون يغرف اكيد رايح تنسى هذا الصياح والنقنقه الي مالها داعي نبغى نغرم شركة الكهرباء وشركة الكهرباء لوحدها بالسوق مافيه شركات ثانية تساعدها او تنافسها ...مابقي غيرها منافس لنا .بعدين تعالو الابراج التي سقطت قالكم عقلكم نتركها تمر علينا كذا . لالا...لالا راح نفتح قضايا وقضايا على الشركات المتعهده والي قامت بالمشروع صحيح انها ربطت عفشها وتوكلت لديارها لكن على مين راح نجيبهم ونحاكمهم وعشان نزيدكم رضى ممكن يعتذرون لكم عن الازعاج الذي حدث كم اسبوع عفواً كم يوم بسبب هالشركات الي ركبت هالابراج وش تبغون بعدها فيه اكثر من هالكرم هذا ..ماناقص غير تقول خففو السعر او رجعوه مثل اول .هذا بعيد عن عيونك حبيبي انت وياه) .