انا والله ما كنت آتحرّى غير جوّالك

[الكاسر]

نبغى نجرب معاكم فى نقل ماهو جميل

من القصائد وبيوت الشعر عسى ان تنال استحسانكم

وهذه ابيات شعريه اعجبتنى وحبيت نقلها لكم :-

[poet font="Simplified Arabic,4,black,normal,normal" bkcolor="transparent" bkimage="backgrounds/23.gif" border="none,4,gray" type=0 line=200% align=center use=ex length=0 char="" num="0,black" filter=""]
على كثر اتصالات الخلايق في صباح العيد = انا والله ما كنت آتحرّى غير جوّالك
تحريت إتصالك إنت يالغالي وبالتحديد = لآن العيد ما اظنه يجي وما جيت في بالك
تصوّر كيف مرّ العيد من تنكيد في تنكيد = وانا ما غير اهوجس بك و انادي وآتحرّالك
وجوّالي غدا مثلي تنهّد واكثر التنهيد = يقول: ابطى عليك وقلت: اكيد العلة رسالك
وقمت اكذب على نفسي واقول بصيغة التأكيد = اكيد الحين بتكلم وانا ادري ما طرينالك
على ما يبدو اني كنت عن بالك بعيد ابعيد = حرام ارجوك صدقني انا ما استاهل افعالك
انا يا سيّدي ملْكك يا سيّد سيّدات الغيد = أنا وياك تعرفنا كما المملوك والمالك
لاني منخلق بعد العبادة وكلمة التوحيد = عشان اعيش من شانك وشان ارضاك واحيالك
انا رهن اصبعك .. أشّر .. ومن هاالإيد الى هاالإيد = على كل اعتباراتي انا طفلك ورجّالك
وإذا غايتْك هي ذبْحي فلا تحتاج للتأييد = توكّل وإنت تلقاني متى ما تنوي اقبالك
ولكن لا تعوّدني على الفرقا ونار البيد = وانا عايش على خبرك نعيم وجنة وْصالك
جفاك اليوم قيّدني تعال وفكّ هذا القيد = وكلّمني.. وعايدني.. وقلّي إنت وش حالك
ياليت العذر (فاتورة) عليك بحاجة التسديد = أخاف العذر هي قولة: نسيته رقم جوالك

[/poet]


ولكم تحياتى اخوكم الكاسر

[ضمن السناني]

أخي الكاسر

كل عام وأنت بخير

ويعطيك الله العافية ومشكووووووووووور على الاختيار الجميل

والقصيدة للشاعر محمد الشهري 0

دمت لأخيك

[الكاسر]

مشكور اخى ضمن السنانى ويعطيك الف عافيه

لمرورك وتعريفنا بالشاعر اللى قال هذه الابيات

وكنت ابقى اعرفه لان المكان اللى نقلت منه هذه

الابيات لم ينوه عن قائلها ولك تحياتى 0

اخوك الكاسر ( ابو فارس ) 0