قصيدة (الزين عقب المغربيات ينعاف والرد من طلال الرشيد

[عبد الله العلوني]

قصيدة (الزين عقب المغربيات ينعاف )

[poet font="Simplified Arabic,4,black,normal,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
يللي تنشد عن علوم الذي طاف= كل البحور وكل دوله وديره
خذ من علومي علم اوصافه اوصاف = جزلن سمين يشتعل له سعيره
الزين عقب المغربيات ينعاف = غيد لهن بالزين ذكر وسيره
فيهن حلا طاغي ولينن بالاعطاف = وفيهن حنانن يشعل القلب غيره
حلوات وصف وفاهماتن بالاعراف = زينات منطق صافيات السريره
بنات قومن طيبهم غصب ينشاف = اولاد مغرب في الليالي العسيره
يللي تنشد عن علومي بالانصاف = هرجي يكفي صامله عن كثيره
الزين في لميا وتغريد والطاف = ماهوب في حصة وكشرة منيره

[/poet]

*******************************
هذا رد من الشاعر /طلال الرشيد

[poet font="Simplified Arabic,4,black,normal,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
يابن الحلال ان طعتني خل الاسراف = واترك جمال الغيد لاهل البصيرة
الزين مو بس الملامح والاوصاف = الزين روح وعفه وطيب سيره
مانيب من يهوى (سريا وانصاف) = انا هواي وبس بنت الجزيرة
بنت الخليج اللي تماري بالاعراف = وحنا نماري باسمها كل ديرة
ماي غرام بقول وخا وبالزاف = اذبحني عند الطرحة المستديرة
احب فولة ياهلا وعل ما خلاف = من بنت ثوبي بنت الارض النضيرة
اللي تحلاها الظبي حلو الاطراف = جمال في عفة ورقة وغيره
واللي بها سحر مو سحر عراف = يا عل عيني ما تراها ضريرة
عطف وحنان وذوق في لين الاعطاف = والى كشفت لثامها شفت اميرة
صعب على اللي بالردى شاف ما عاف = وحلوة على اللي سنة الله ضميره
شمس الى من اشرقت والدجا طاف = غابت نجومك غصب لو هي كثيرة
السيف ما يزهي سوى كف سياف =والخيل دون حصانها مستخيرة
بس انت دور لك على قدك لحاف = وان طعت دور بدلنا عشيرة


[/poet]

[أبو رامي]

شكرا لك أخي سبع الليل على هذا الاختيار الموفق .. وعلى هذا التواصل المبدع .. لا حرمنا الله وجودك أيها الرائع ... فقد أثريت المنتدى