اخوي الرسمي
الف شكر على الهديه الغاليه بمناسبة هذا الشهر الكريم
اخواني الأعزاء
في البدايه أشرتم الى ان الجهني وضمن والحازم من لجنة التحكيم
ثم بعد ذلك أشار اخي ابو سفيان في نداء موجه لنا بكتابة القصيده
لاأدري ماذا اقول
لكن سوف اشارك بهذه القصيده والتي تعبر عن نفسها واتمنى ان تنال اعجابكم

[poet font="Simplified Arabic,5,indigo,normal,normal" bkcolor="transparent" bkimage="backgrounds/8.gif" border="none,4,gray" type=1 line=200% align=center use=ex length=0 char="" num="0,black" filter=""]
يالله ياخالق ابن آدم من الطّين = ياقاسم الرّزق مابين العبادي
نحمدك يارب وقت العسر واللّين = وندعيك في كل وقت بكل وادي
يارب رحماك ثبّتنا على الدّين = وأختم لنا بالشهاده والجهادي
في وقنا اليوم مانلقى عناوين = للصدق والجود وأصحاب الرّشادي
صار الكريم الذي يصرف ملايين = لأجل اسمه يذاع في كل الروادي
واللي مشى بالنميمه بين الأثنين = يلقى السعاده على شربٍ وزادي
ولو يظهر النور جوف الليل ويبين = الصوت يلقى صدى ضد المنادي
زمان قالوا ترى الحاجب على العين = وشلون صار الجمر تحت الرمادي
القدس تبكي وتبكيها فلسطين = والنور غاب وذهب ماعاد بادي
قلت الإجابه ولاني منتظر سين = من العرب ماأنت لاقي غير غادي
ولافيه صدرٍ يقول الهم من وين = مادمت انا بعافيه بأضحك وأنادي
هذي مصيبه قديمه ماهي ذالحين = وينبيك لبس الآرامل للسوادي
وفأرقابنا لليتامى ماأكثر الدّين = ولاشاق عين اليتيم الا الزنادي
ينخا العرب للشهاده بالميادين = ويصيح من جرح صبحه والهجادي
والطيّب اللي نزح لدار الأدنين = ولاذاق راحه ولانال المرادي
الدمع من عينه أغرق بيض خدّين = ولاغير ربّه رجا برفع الآيادي
أنشهد ان العرب والحال مسكين = عقب الشجاعه رضينا الإنتقادي
ولارجّح لكفّة الحظ بموازين = غير السعودي وقدره في البلادي
يشهد له الماضي والحاضر وبعدين = وأسمه مسجّل على ظهر الجوادي
وأختم كلامي وعلمي شرح بيتين = مفهومها للعرب عنبر وكادي
والله لو نكتب الحكمه دواوين = مايعتبرها كود نظاف الفؤادي
ولاتنبت النخوه بكل البساتين = والمرجله ماتجي غصب وعنادي
[/poet]

وأتمنى من الإخوان الجهني وضمن المشاركه وكتابة مالديهم
وتقبلوا تحياتي
اخوكم / الحازم