اخوي سبع الليل / تسلم على هذه القصيدة الرائعة والاختيار الموفق

اخوي أطلب من الأذن في إعادة كتابتها بكود الشعر ليسهل على القارئ قراءتها /

[poet font="Simplified Arabic,4,blue,normal,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
بعد الفقر حطت شريحه وجوال = يسعد مسا جوالها والشريحه
كانت تجيني تشتكي قلة المال = وتصيح لاجا طاري الفقرصيحه
تقول ابويه دايم الدوم رحال = وامي كبيره سن دايم طريحه
وانت الوحيد اللي لك القلب ميال = دايم يصارحني وانا له صريحه
طفله وانا معشوقها بين الاطفال = جريح حب وطاح له في جريحه
كنا سوى نرسم على التربه امال= وأحلام تقتلها الحياه الشحيحه
كم دمعةٍ كانت على الخد تنهال = واذا نزلت ضاقت عليّ الفسيحه
الله كم صرخه وهمسه وموال = الله كم جادت علينـــــا القريحه
الله كم بيتٍ كتبنــــــاه يختال = واقول انا (ضيدان) وانتي( مليحه)
نخيل لومافالسما برق وخيال = وانكذب الايام لوهي صحيحه
تقول لاحطيت لك بشت وعقال = وسخّرلك الرحمن عيشه مريحه
اخاف تتركني على عثرة الفال = للفقر ووجيه الحياه القبيحه
وحبيتها بين الخلايق والازوال = حبٍ يطول الوقت محدٍ يزيحه
وسلمتها قلبٍ تباريه الاهوال = وطاح الخفوق . وطيحة القب طيحه
راحت وخلتني مع القيل والقال = شاعر صواريف الدهر تستبيحه
ودار الزمان وغير الحال بالحال = وجاها الزمان بكل ورده وشيحه
فلة وخدامه ولكزس وجوال= وانا عجزت ادفع رسوم الشريحه

[/poet]


تقبل تحياتي وتقديري
===========
اخوك الجهني