[poet font="Simplified Arabic,4,black,normal,normal" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
[align=center]مشاعر شاعر في احد صالات التداول
في سوق الاسهم قالوا تجيك صفقـات
تربح وتصبح فـوق عـرش التجـاره
خذْ لك مع التجّـار صولـة وجـولات
يمكن مـع المقسـوم تبنـي عمـاره
شفت العروض وشفت كثْـر المبيعـات
والمشكـل انـي مـن هـواة الإثـاره
طمرْت في سوق \"المواشي\" بلحظـات
بْشـار الشويـر اللـي بليّـا مهـاره
واخذْت لي صفقة على كيـف ماجـات
صفْقة قويـة ذقـت فيهـا الخسـاره
قمـت اترنّـح مثـل شرّابـة القـات
ولاّ كمـا اللـي ناطحـه قـرْن ثـاره
قالـوا تحمّـل وانـت راع المهمّـات
لا تنهزم لـن كـان تبغـى الصـدراه
الجولـة الاولـى تـراهـا بـروفـات
وانته صدفْت السـوق وقـت انهيـاره
قلت المواشي طالقـة خمـس مـرات
حلفـت مـا طبيـت سـوق الجـزاره
وشفت الكهارب فـي بلدنـا منيفـات
وانوارهـا فـي كـل شـارع وحـاره
فيها عـروض المشتـرى بالالآفـات
والناس جاي إلهـم عليهـا اعتكـاره
واخذت لي في \"الكهربه\" خمس لسعات
فيهـا تجرعـت الالــم والـمـراره
وقلت \"الزراعي\" يمكن ابرك بحـالات
لعلّـي اجنـي منـه حالـي ثـمـاره
واشوفهـا تفتـح وتقفـل بنسْـبـات
والربـح منهـا ينهـمـر وبـغـزاره
ساعة دخولي صابت السـوق نكبـات
حتـى المؤشـر قـال جاكـم شـراره
خرجت وانا ادعـي عليهـا باالآفـآت
تلْحا الـورق وتهـل غـض البكـاره
قمت اتجول في قطـاع \"الصناعـات\"
أسـاس تدعيـم الوطـن وإزدهــاره
أكيـد مافـي هالصناعـة خـسـارات
(مهارة) و (خبـره) و(مجلـس إداره)
وأول بدايه طحت في \"صدق\" طيحات
\"وفالكيميائيـه\" إنكسـرت انكسـاره
\"وسيسْكو\" و\"فيبكو\" كل ابوها مطبات
ولاّ اللجيـن اللـي كـوانـي بـنـاره
و\"الغاز والتصنيـع\" جانـي بغـازات
مـا عـاد اميّـز ليلهـا مـن نهـاره
قال \"السمنت\" وقلت ماابغى سمنتـات
الكـيـس ب 14 وقــت اشتـهـاره
ماريد يالصاحب سوى \"الاتصـالات\"
لعلـي احظـى بالشـرف والامــاره
أبراجها ترسـل مـن الجـو شـارات
تقـرّب الـلـي مبـعـدات ديــاره
خرجـت منهـا فاقـد العقـل والـذات
حتـى ب****ي فقـدت الـحـراره
وأمّا \"البنوك\" إبها قطعـت العلاقـات
مالـي بهـا قنصـل ولا لـي سفـاره
بنك \"الجزيرة\" ماذكـر فيـه فـودات
و\"الراجحـي\" مالـي عليـه إقتـداره
واسمع علوم النـاس فيهـا مريبـات
كلّـن علـى كيفـه يصـدر قــراره
تركتهـا مالـي ومــال المتـاهـات
هـيْ بالحـلال ومـا كسبنـا غـراره
رحت اتشكوى عنـد قـوم الملامـات
قالـوا تشطـر والتجـاره شـطـاره
السوق مثـل البحـر ظلمـه ولجّـات
والحوت لامـن جـاع ياكـل صغـاره
كنت احسب إن المشكلـه فالقطاعـات
واثر المشاكـل مـن سبـاع المغـاره
اللي لهـم بالسـوق فـنّ ومهـارات
والسـهـم لامــن زاد وطّوعـيـاره
يمارسـون القرصـنـه والغـوايـات
ويمثلـون اسـم الشـرف والطهـاره
واحنـا غدينـا للهواميـر صـيـدات
نبـي الهـروب وشـددوا فالخـفـاره
لامن شرينا صـار بالسـوق نكبـات
ولْيـا نوينـا البـيـع زاد انـحـداره
راح الحصيل وراحت علومنـا افـوات
واللـي سلـم منّـا طريـح الجبـاره
حصدت من سـوق التـداول ريـالات
إبها اختم المشهـد واصـك الستـاره

منقووووووووووووول واعتذر لوضعها بهذا المنتدى

[/align]
[/poet]