[poet font="Simplified Arabic,6,white,bold,normal" bkcolor="tomato" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياسر
سلام لأهل الموافا اعداد = مالاح للعالمين مزون
ومن بعده المشتكى ينقاد = حسب المعاريف والقانون

عبدالعزيز
ترحيب مثل المطر لاجاد = اللي له الناس ينتظرون
إما لحن يرضي النقاد = ولا عليه الملام يكون

ياسر
هيا إستمع لأول الإعداد = يامن بها المسأله تفتون
أسألك عن غرسة الأجواد = وشهو جعل علوها فالدون

عبدالعزيز
جات المعاني على الميعاد = وهيضتها ساكنات شجون
يمكنها نظرة الحساد = ولا برأي البعض مفتون

ياسر
إحتار في وضعها الرواد = واللي من فنونها يجنون
لجل الذي جد فالميراد = هذاك صاحب وهذا يمون

عبدالعزيز
المخطي اللي في عنده زاد = يخطي ويبغى العرب يخطون
سبب مابين العباد أحقاد = خلى المودين يفترقون

ياسر
رقوه للمريسه أسياد = اللي على عرفهم تمشون
وأبوك شاهد من الشهاد = ولا أظن هذي الشهاده تهون

عبدالعزيز
إحذر ترى للكلام أبعاد = خليك ماشي معه بالهون
والغير خلك عنه في حياد = كل حي في موقعه مصيون

ياسر
في ليلة بدين لما عاد = سمعت في مشتكاه غبون
والقصد ماهو جفى وعناد = القصد تشرح لنا المضمون

عبدالعزيز
ياليت عهدا ً مضى ينعاد = ويشوف كيف القريب يخون
والود يبقى مع الأوداد = وإحنا لعهد الحبيب نصون

ياسر
على حسب طالعه فالماد = يزهم وكل العرب يوحون
يبغى بإسم ديرت الأجداد = يا أهل المعاريف تجتمعون

عبدالعزيز
من عادة الند والأنداد = ماتضيع الود لجل فنون
هذاك فاقد عزم وإسناد = شاكي وباكي وكثير حزون
ويا اصحابنا سامحونا
[/poet]