محاورة بين / ناصر الحجوري ـ و فريج أبومديده

[الغانمي]

بعد اذن ابو رامي على ما اظن او ابو سفيان لأن العاده هم اللي يسوون التنسيق النهائي للمحاورات.. اعذروا تطفلي وهذا ملخص الليله الجميلة اللتي كانت البارح بين الشاعر امير الحرف ناصر الحجوري والشاعر فريج ابو مديدة

[poet font="Simplified Arabic,6,darkblue,bold,italic" bkcolor="white" bkimage="" border="groove,10,darkblue" type=2 line=200% align=center use=ex length=0 char="" num="0,black" filter=""]
ابو ندى
سلام راقي مـع التبجيـل = ضافي عليه الوفا و الحب
عاجل و لا يقبل التأجيـل = مرسل لكم من صميم القلب


ناصر الحجوري
ترحيب أجمل من التجميـل = وأحلى من الشهد يوم يصب
بالصاحب الوافي التكميـل = اللي يوافي جهينه وحـرب

ابو ندى
مثلك في رد الوفا قنديـل = يضوي على ساير الكوكب
والآن نبغى في رسم القيل = ميراد صافي زلال وعذب

ناصر
هات المثل واسمع التحليل = يجيك حسب الذي تكتـب
عجلّ قبل لايروح الليـل = ترى علينا الشفاء يحسب

ابو ندى
درب المجرّة مع الإكليل = وسهيل مستقدي المرقب
وإليا سعوا للمدار تحيل = بيناتهـم هالـة مذنّـب

ناصر
مادام معه الدليـل سهيـل = ماتكف دربـه ولا تصعـب
وإن سدّ نجمه سحاب مخيل = يوقف لونه في وسط الدرب

ابو ندى
كيف الهدى والنجوم تميل = والكل منهم أخذله جنـب
عن مسلكه والظلام مهيل = والمقتدي بالنجم مُتعـب

ناصر
اخاف هذا المثل تمثيـل = ماهو صحيح الكلام العذب
الجاه والقطب وابو ذيـل = فالليل من شافهم وكـبّ

ابو ندى
في علومنا ما يجي تحويـل = وفي المسأله نطلب الأصوب
وما دام شككت فيمـا قيـل = قلي متى يرسـي المركـب

ناصر
إصحى الشكك بالشراع يميل = إسعى وخذلك عنه مجنـب
وعطني إشارة لخطوة ميل = منها بشارة ولـك مكسـب

ابو ندى
لو تذكره في ضفاف النيـل = اللي لمع في السما و اشهب
عن حالته نطلب التفصيـل = وعلم الفلك يوجز المطلـب

ناصر
للحكم كل ماسرجت الخيـل = مالقى لحكم المثل مذهـب
ومادفع ضريبه لفرق الجيـل = من مكسبي واخسر المَعجب
ماقول فـي حقكـم تقليـل = معزوفة الحانكـم تطـرب
ولو سال معنا مسيل السيل = يعزف على اوتاره المطرب[/poet]