[align=right] يعني نموت ونحيا فحب يحي يابشير .. ورانا ورانا اللغة المحشية (المحكية ) .. أبغى اترقى مافيش فايدة ..
آآآه من الخبن , أحيان يصير غبن .. ذكرتني ياشيخ بهذيك الأيام لما كنت (أعيط واعطعط ) أقول ( أنا وانت خبنا الحب .. ) ياهم ليلي أحب وأموت في الحب .. والعالم تجي وهات بالمتر هذاك الكبير وعقوم وبعد شهر مزرعة كيلو فكيلو .. وطلعنا منها شلولخ .. وعد مساميره ياملطوع .. وروح دور المنحة ياولد البلد .. مايبقى ولامتر فينبع الا أخذوه الرجال ومنحتك ( خاااارج ينبع ) وكويس اذا جاتك في خمال ولاديره قريبه ..
أما الخبن يعرفوه فكل المملكة أهل المشالح .. الآن ماحد يخبن ثوب ياخويا على طول برررا .. واللي فيه خير للنعمة ويصونها يوديه الجمعية الله يجزيهم خير .. والله دول عايشه من ورا خير السعودية الحمد لله ..
صدقت يابشير وأنا معاك ومع المنطق السليم .. نقول للمحسن أحسنت ونقول للمخطيء أخطأت ..
والبلدية أورئيس البلدية وهو كل هدف البعض ليس سيئا للدرجة التي نتصورها ، أصلا أي انسان كان لابد وأن تجد فيه جوانب ايجابية أكثر بكثير من السلبية ، ومن العدل الاعتراف (ولو كان خصما) بالايجابيات ، تشجيعا له ولمن معه لمواصلة المجهود ..
والله أنا ماأعرفه ولايعرفني ولاشفته ولاكلمته أبدا ، ولا لي أي مصلحة أو معاملة عند البلدية لكن الحق أحق ..
البلدية تبذل جهود ملموسة نلاحظها ونسجلها لها منها زيادة الاهتمام بالشوارع وصحة البيئة وتنظيم المعاملات وغيرها .. لكن ماننسى اغتيال أفراح أعياد ينبع الشهيرة والمتميزة من زمان ، وصرنا نقول ( ينبع بكت في نهار العيد ) ، لايمكن لي كواحد من ابناء ينبع أن أنسى للبلدية تنكيدها علينا في الأعياد واهمالها لمقر العيد وتنظيمه ..
وعلى سيرة الشوارع .. مازلنا في العروجه .. شوف الشارع اللي ينفذوه مزدوج للشرم كيف ؟؟ لساع ماكملوه طبعا مااستلمته البلدية ومستوى السفلته زي الي فـ ..... كأنك ماشي على بطناج .. الخوف ان بكره يجيك مساح وألا شلاح ويستلمه .. طبعا والبطانيج ماحد غيرنا ياكلها .
والي موعاجبه يروح الابطح هناك أبردله ..
شكرا . . مع أطيب تحياتي [/align]