[align=center]....(( قصيده على الطريقه الهلاليه))....
للشاعر مشعل الغفيلي
واسمحولنا
لازال بوحنا تقليدي[/align]


[poet font="Simplified Arabic,6,black,normal,normal" bkcolor="transparent" bkimage="backgrounds/17.gif" border="double,10,limegreen" type=1 line=200% align=center use=ex length=0 char="" num="0,black" filter=""]
قال الذي عدا على راس مرقـاب=يزبن جنابه بالخلا كـل مرتـاب
موحش خلا منحي عن الدار مبعد=ممحل جنابه من عنا طول الاجداب
منزاح جاله منتزح عـن مداهـم=عن البشر دونه مراقيب وهضاب
منحاف..ملويٍ..عسير المحـاري=مشمرخٍ..راسه تقل راس مخلاب
مايطلعه ياكـود منهـو تجلـوى=بديار عسرين اللقاء يم الاجنـاب
اليا تذكـر موطنـه ثـم تهيـض=يجض قلبه جضة الذيب ياعقـاب
انا رقيته مـن عقـب مارقابـه=حالي مثل حاله تشابه بالاسبـاب
واللي تغرب عن محـاري ديـاره=تو الامل في رجعة الدار ماخـاب
مار البلا منهـو بـداره تغـرّب=عزاه والله بين ربعـه والاقـراب
عـزاه والله عقبهـم ماسليـنـا=دمعٍ نثرته من شفا العين سكـاب
شابت معاليق الحشا من هواهـم=شبنا وشاب القلب والجرح ماشاب
بعض الجروح المرمسه له طبيبه=والبعض الاخر موجعٍ ماله اطباب
ياكن وسط الروح رمح الزناتـي=او وسطها طعنة ابازيـد وذيـاب
احسب خطانا يالغضي تدمحونـه=ولايبعدك عن حبنـا كـل كـذاب
واحسب علومي يالفتكم من عداي=ماينفتح له عندكم يالغضي بـاب
واثري على ماقيل خابت هقـاوي=سهمي تعدا وسهمكم يمنا صـاب
ياعـل والله كـل حـيٍ تــوده=عقب الهوا عقب الغلا خاطره طاب
يقطع مواصيل الهوا من طرفهـم=ياعل قلبي من هوا حبهـم تـاب
لاصار بالدنيـا قريـبٍ وخـلاك=وسط القبر مابه حبايب ولااقـراب
ان ماخذيت الود منه وانـا حـي=وش ينفعن وده وانا داخل تـراب
[/poet]