[align=center]( 2 )[/align]

[poet font="Simplified Arabic,5,indigo,bold,normal" bkcolor="transparent" bkimage="backgrounds/23.gif" border="none,4,gray" type=0 line=200% align=center use=ex length=0 char="" num="0,black" filter=""]
العمدة إبراهيم سلامة ابو عيسى:
هيا اسمع القيل ومفند=باسمي ومن مجلس الفهام
عاجز عن الشكر يامحمد=على غباوي ثلاثة اعوام

محمد جميل الريفي
حضرت الأقلام ومجند=لصحابنا والنفوس إليام
وأروض الصعب لأعند=لأجلي لهذا الهدف خدام

*****
عايش الاحمدي
يحمل كتابك في طياته=اسمى المعاني يوجه الخير
مثل العسل طعم غبواته=شكراً وصلنا مع التقدير

محمد جميل الريفي
الطيب يلفى مقراته=وعن منهجه ماخلفت السير
وجاني وسام الوفاء ذاته =من راعي الطيب والتوقير

*****
عبدالرحمن محمود عيسى
محروس من كل حسادك=يكفيك محبة الجمهور
فاللي نظمته في غبواتك=الكل من نهجها مسرور

محمد جميل الريفي
بعد إطلاعك على خطابك=عليه ياصاحبي مشكور
مؤسس الطيب في فؤادك=وانته بهذا الأمر مشهور

*****
مبارك حسين القش
فنان ساسه بني فنان=مني تحية لمن حياه
وعسى الذي أسس البنيان=يخلد بجنات من سواه

محمد جميل الريفي
يامعلم الحرف شانك شان=جانا كلامك وقدرناه
وما نبادل الزود بالنقصان=وفي داخل القلب سجلناه

*****
سعد المحياوي
ابعث لك الشكر يامحمد=وابعث سلامي لكل الناس
جاني كتابك ومتعمد=اغلى من الدر والألماس

محمد جميل الريفي
طيبك مع الناس ومخلد=نابع من القلب والإحساس
ترحيب مني لكم وأزود=وانا لعذب المشاعر حاس

*****
حميد الصبحي
في مبتداء موجز النشره=زاد امتناني وتشريفي
لعميد الألغاز والكسره=استأذنا محمد الريفي

محمد جميل الريفي
إنته من رجال مقتدره=ولا يحوج الأمر تعريفي
مِبعد عن الصيت والشهره=وافخر إذا شفت تأليفي

*****
حمدان الحمراني
سلام مرفق بفل وورد=ومرفق به الشكر والعرفان
ينصى محمد عريب الجد=اللي لنا مهدى الديوان
حليت به يامحمد عد=جمه غذي يروي العطشان
بمحكم الحق مستشهد=دليل من محكم القران
وبسنة المصطفى محمد=إثبات ومثبته تبيان
الله يوفقك زيد الجهد=واكرر الشكر ياشيهان

محمد جميل الريفي
جانا الوفاء من عزيز مود=محسوب من جملة الإخوان
ترحيب ضافي عليه الود=صادر من القلب والوجدان
تحرص على الطيبة وتمد=ماتخلفك دورة الأزمان
وكلن على طيبكم يشهد=قديم ماهو جديد ألان
اشكر شعورك ونُبل القصد=وطيب المشاعر لها عنوان
والزود مانبادله بالصد=لاصار ساس الوفاء حمدان

*****
خليل إبراهيم الثقفي
كتاب الغباوي وصل توه =مشكور يامحمد الاهداء
تنسيق رائع ومن جوه=يحمل فكر راقي الإثراء

محمد جميل الريفي
مثل المطر لابدى نوه=تشكر على طالع الإنشاء
لك طيب باين لنا ضوه=يشهد معي كامل الأعضاء

*****

عواد ابو غندر
مادام ود الصداقة مقيم=سؤال بعد السلام التام
نسيتنا ليه فالتقسيم=قسمت عنا يمين وشام

محمد جميل الريفي
لك حق ومدعمه تدعيم=يامرحبا والنفوس إليام
وردي عليه السؤال بجيم=غير السهو والعذر قدام

*****
عبدالله الغانمي
وصلت مقاضيك ياسيدي=اللي على الوعد مرسلها
وامانتك شلتها بيدي=ولعم عايش بأوصلها

محمد جميل الريفي
مشكور وإسمع مراديدي=جتنا المعاني وقايلها
مجود الساس تجويدي=ومكاسب الطيب نايلها

*****
فاايز القليطي
فالعاصمة رفرف ابداعك=يامبدع القيل ياراعيه
صفحات تحكي لنا باعك=يانايف الباع ياحاويه

محمد جميل الريفي
يدل هذا على طباعك=وعذب المثل منك متحريه
ولك ود فالقلب مرباعك=طول العُمر مانفرط فيه

*****
[/poet]