الى اعزائي في منتدى المجالس

[الساعي]

[ALIGN=CENTER][/ALIGN]
[poet font="Simplified Arabic,6,black,bold,normal" bkcolor="transparent" bkimage="backgrounds/24.gif" border="none,4,gray" type=2 line=200% align=center use=ex length=0 char="" num="0,black" filter=""]
يقول المهادي والمهادي محمد=وبه عبرةٍ جمل الملا ما درابها
وجعي بها من علة ٍ باطنية=ولا يدري الهلباج عما لجابها
ان ابديتها بانت لرماقة العداء=وان اخفيتها ضاق الحشا بالتهابها
ثمان سنين وجارنا مسرفٍ بنا=وهو مثل واطي جمرةٍ ما درابها
وطاها بفرش الرجل لو تمكنت=بقي حرها ما يبرد الماء التهابها
يا ما حضينا جارنا من كرامةٍ=لو كان ما يلقى شهودٍ غدابها
ويا ما عطينا جارنا من سبيةٍ=ليا قادها قوادها ما نثنابها
الاجواد وان قاربتهم ما تملهم=والانذال وان قاربتها عفت مابها
الاجواد وان قالوا حديثٍ وفوا به=والانذال منطوق الحكايا اكذابها
الاجواد تجعل نيلها دون عرضها=والانذال تجعل نيلها في رقابها
الاجواد مثل العد من ورده ارتوى=والانذال لا تسقى ولا ينسقى بها
الاجواد يطرد همهم طول عزمهم=والانذال يصيح همها في رقابها
الاجواد تشبه قارةٍ مطلحبةٍ=ليا دارها البردان يلقى الذرى بها
الاجواد صندوقين مسكٍ وعنبرٍ=ليا فتحت ابوابها جاك مابها
الاجواد مثل البدر في ليلة الدجى=والانذال ظلما تايهٍ من سرابها
الاجواد مثل الدر في شامخ الذرا=والانذال مثل الشري مر ٍ مذاقها
الاجواد وان حايلتهم ما تحايلوا=والانذال ادنى حيلٍ ثم جابها
الانذال لو غسلوا ايديهم تنجست=نجاسة قلوبٍ ما يفيد الدوا بها
يارب لا تجعل للاجواد نكبةٍ=من حيث لا ضعف الضعيف التجابها
لعل نفسٍ ما للاجواد عندها=وقار ٍ عسى ما تهتنى في شبابها
عليك بعين السيح ليا جاك واردٍ=خل الخباري فان ماها هبابها
محا الله عجوز ٍ من سبيع بن عامر ٍ=ما علمت اقرانها في شبابها
لها ولد ٍ ما حاش يوم ٍ غنيمة ٍ=عدا كلمة ٍ عجفا قمز جابها
انا اظن دار ٍ شد عنها مفرج=حقيق يا دار الخنا في خرابها
انا اظن دار ٍ نزل فيها مفرج=لا بد ينبت الزعفران ترابها
فتى ما يظلم المال الا وداعة ٍ=ولو يملك الدنيا جميعاً صخى بها
[/poet]
[ALIGN=CENTER][/ALIGN]