(( لاسم القبيله حرام تعود ))

[عيد سعيد]

[align=justify]
امنا بالله يابو معوض انت علامك ؟ رافع شونك وكنك تبي تربي العرب ، اخز ابليس واسمع واستفيد ، حسبي الله ونعم الوكيل ، يارجل تراك تعديت واخطيت على نفسك بلحيل ونسيت انك تناقش مسأله عامه وحكمت على العرب بالردا وانت ما تعرفهم .

يارجل بينا وبينهم الله ليادخلت بيوتهم نار شاعله يعرفون الواجب الي لهم ويعرفون الواجب الي عليهم ويعرفون الضيف راعي الواجب وراعي المعروف وراعي الحاجة .

يا ابو معوض فيه ضيوف تقريهم وتجمع على ساقتهم وجها القبيله وفيه ضيوف تقريهم وتجمع على ساقتهم القرابه وفيه ضيوف تقريهم ولا تجمع معهم احد .

يا ابو معوض ما خبرت الضيف ثقيل على المعازيب ولا سمعت بضيف انتقد معزبه و انت الله يهديك الي اعرفه ان الضيف يختار الوقت المناسب للضيافة ويختار معزبه وكم من ضيف غير مساره وضاف البسطاء من الناس وحلف عن الموجب واكتفى بالموجود كل ذلك بهدف اسعاد معزبه ولا يقف بعض الضيوف الى هذا الحد من الكرم بل تجاوزه ليكون سببا في انتقال معزبه من حالة الفقر التي يعيشها الى حال افضل .

اذا ما كل من دق الباب ضيف وما كل ضيف يتردد على المكان يسمى ضيف . والرجل من طبعة الخروج من البيت والأختلاط بالناس ومتى ما التقى بصديق او قريب او عابر سبيل وجه له الدعوة يعني (عزمه ) واحسبها مثل ما تبي عزومه ( حيه ، بصوت عالي كل يسمعه واديان مغلضه ) و اللا (عزومة ( محروله ) و اللا ( مجاملة ) ...الخ ..... العبارات التي نسمع بها .

يا ابو معوض ما نبي نزعل منك ولا نقدر نحكم عليك انك تركت عادات وتقاليد القبيلة الي انت منها وصرت تشرب القهوة والشاهي من الثلاجه بعد ما كنت تسويها بيدك وفالمجلس ولا نبي نقول انك تركت عادات القبيله وصرت تقدم القويده بظرف(الله اعلم كم فيه ) بعد ما كنت تقدمها ( جمل او خروف ) لاننا ما نعرفك ورغم هذا نقول .[/align][align=center] بينا وبينك الله واجبك ما تقصر عنه .[/align]