وانا احدى طالبات هذا المعهد الذي كنت سابقاًاتمنى ان أكون طالبة فيه قبل أن تسلم الادارة بأيادي العابثين والله أن المعامل التي كنا نجدها من المديرة والمعلمات أسوى من كلمة سيئة حتى العاملة اللى موجودة في المعهد اخس من مديتها وبصراحة راح أتكلم بلغتي العامية أعذروني لاني من زمان وانا نفسي احد يسمع، ماخليت أحد مارسلتله حتى هشام كلمته ولكن دون جدوى حتى الاستاذ ايمن في جدة أرسلتله كمان أذن من طين واذن من عجين،
نطلب شهاداتنا وكننا نطلب صدقة من المديرة ، شهادة المستوى الثالث لم نتسلمها بعد وسوف يدخل العام الجديد كلعادة ونحن لم نتسلم الشهادة بحجة اننا اول دفعة نتخرج من هذا المعهد واننا لنا كذا فرع والشهادة اللى تعبنا على شأن نحصل عليها مراح نعمل فيها شئ مو كفايه انه مافية وظائف كمان الشهادة تتاخر ، الاسبوع اللى راح قالوا الاسبوع الجاي وهذا الاسبوع راح يعدي زي اللى قبله مايتصلو علينا إلا في طلب سداد الرسوم ، مو كافيه انه نص المناهج اللى درسناها كلها نظري رغم أنه اغلبيتها عملي والحجة أنه مافيه مكان عجز في الاجهزة أو نص الاجهزة خربانه أو مافية برنامج طيب لا تنزلو المنهج غيروه جيبوا برامج تانية نستفيد منها ،اقرب مثال الطابعة والله العظيم انه نص الطالبة إذا مكان كلهم مايعرفوا يعربو الطابعة ونوالباقي مايعر شكلها وقبل تخرجنا بايام منزلين دورة في الطباعه كيف تشغليها وكيف تعربيها ، طيب كانت عندنا في المنهج ليه ماعلمتونا لا بس قالوا ماعندنا طابعة والادارة ماوفرت لنا طابعة والسكنر نفس الشئ والله ماكلفوا انفسهم بس يورونا شكله والله هو موجود عندي بس خايفه اقول ماعرف اشغله أو اعربه يقلولي انتي معاكي دبلوم حاسب تربوي وماتعرفي تشغلي سكنر.المهم أنه قدر الله وماشاء فعل الحمد لله اللى خلصت .
وانا اسفه على الاطالة بس والله كنت مقهوره وابغى احد يسمعني ويسمع معانة الطالبات
الله يعين اللى لسه ماخلصوا والله يعينك ياحارثة الوجدان فعلا لازم يتغير هشام لانه مو قادر يغير المصخرة اللى صاير في المعهد
ملاحظة:. المعهد بدون بواب يعني لودخل احد على الطالبات ماحد يلومه ولا يرجعه لانه الباب مفتوح على مصرعيه لا حسيب ولا رقيب والمبناء مكشوف أمامه سكن لعمال اجانب وكل يوم يمتع الباكستاني ناظره.
وياليت تعجلو في شهادتنا الله يخليكم.
وشكراً.