احد ابناء المحافظه كان مثلك انتظر المنحه وحرم نفسه من فرص كثييره ترفع رصيده العقاري من الأراضي الا انه رفض جميع الفرص ، ليش ؟
اخونا خايف من قسم الأراضي لا يكتشف ان عنده قطعة ارض ويحرمونه من المنحه ، راحة الايام ودارة وكبر اخونا وبدت (تلاكيع ) الشيب تظهر .
واخيرا طلع اسمه وفرح قد فرحتك بالقطعه الي اشتريتها ( يابشير ) واحتفظ بالجريده الي اسمه فيها لين حولو معاملته لكتابة العدل ويوم طلع يعاين المنحه ( صدم صدمة ) الله اعلم وش كبرها تدري وين لقي منحته ؟
لقيها في اردى منطقة في هـ 13 . مع انه رافع طلب لولي العهد ( يحفظه الله ) انتهت بافهام اخونا انه اول ما تنزل المنح يمنحونه الارض الي طلبها كمنحه من ولي العهد .
قالهم يا ناس ياهوه فيه معامله فيه امر اسمعوا مني قالو له استلم المنحه ذي والا اكتب اقرارك بالرفض ، اخونا سوى فيها ذكي واستلم المنحه وبعث لولي العهد بالي حصل وطلب استبدال المنحه بالقطعه المطلوبه في المعاملة السابقة ورجعت المعاملة للبلدية بطلب مرئيات الرئيس ( السابق ) وصدرت مرئياته بان القطعة التي يطالب بها المواطن المذكور ، من الاراضي ذات القيمة ، والمخصصة للتعويضات ، ورفعت للديوان ، وصدرت الاوامر بصرف النظر عن المعاملة .
ياخوان يزعلوا منا اخوانا في البلدية ويوم تجي الأمور لصالحنا اول من يقف في حلوقنا هم ، والدليل كان بامكان البلدية بعث مرئياتها بالموافقة ويخصصوا المنحه المستبدله للتعويض .
المفضلات