مانيب لاشاعر ولانيب رسام

[سما الغرام]

[poet font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
مانيب لاشاعر ولانيب رسام=لاكن والله لاارسمك في قصيده
واصورك من شعر راسك للابهام=اجيد نظم الشعر والا ماجيده
ياشمس يا نور الليالي والايام=يا نجمتن بين الكواكب فريده
قولوله اني ياهل العشق ما نام=وشلون انام ومهجة الروح بيده
حبه دخل قلبي بدقه واحكام=وسيطر على كلي سلوك وعقيده
اذكر جديله لاتغطن الاظلامّّّّّ=سواد ليلن لابسن كل جيده
لاقضها ماتنتوصف بالاحلام=صورة خياليه وحاجه جديده
وان فرقه عن جبهة البدر ثم قام=من لد فيه العين سمي فقيده
والعين ياعين اشقرن لد ثم شام=كم روح راحت من عيونه شهيده
وسكبة حجاجه كنها رسم مرسام=صوره فريده من عصورن بعيده
ورموش عكشن حاكمني بالاعدام=من بينهن تنسل نظره سديده
ريقه عسل واحلا من الريق الانسام=كنه يعطر من يكلمه بيده
اليا تبسم اتحطم تحطام=واموت لاشفت الثنايا سعيده
مثل البرد في حمرة الدم باحكام=تضيع فيهن العقول الرشيده
والخد نون بارقه حطه اقسام=اليا اشتعل برقه بظلمه شديده
والعنق عنق غزيلن مابعد رام=ظبين مداهيله جنانن رغيده
ناعم جسد ماكن في جسمه اعظام=اليا تمايل تمشي الناس سيده
والمتن لاهزه على صوت الانغام=يهتز قلبي ويتحرك وريده
والوسط ماشده هوى البال بحزام=شبرين والا بعد ماهيب اكيده
ويميل الردفين ورى وقدام=كنه يردد بالردايف نشيده
وياطى هوى بالي على الارض باقدام=وارضن وطاها بالقدم مستفيده
الديره اللي مرها باول العام=تخضر من بعده سنينن مديده
حيثه كريم الروح من ناسن كرام=مالك جمال الكون والحسن سيده
لرموش عينه فالاوادم تحكام=لا اشر برمشه يفعل اللي يريده
ان قام تلقى الناس من حوله قيام=كلن يحبه ماله اعدن تكيده
عن وصف محبوبي يصومن الاقلام =وترى كلامي ينقصه مايزيده
يحكم على المبدع من اشد الاحكام=لو قال صورته بهاذي القصيده
[/poet]

[رضا الأهدل]

واذهبت المبالغة الشديدة بعض جمالها، وكما قالوا في المثل (الشيء إذا زاد عن حده إنقلب إلى ضده) هذا تصوري الخاص.

ولا أعلم هل هي منقوله أم مشاركة؟