متى تربع دارنا والمفــــــــــالي "=" وتخضر فياض عقب ماهيب يبـــاس

[قصيدةبلاعنوان]

[poet font="Simplified Arabic,5,darkblue,bold,normal" bkcolor="transparent" bkimage="backgrounds/23.gif" border="none,4,gray" type=2 line=200% align=center use=ex length=0 char="" num="0,black" filter=""]
يقول من عدا على راس عالـي = رجم طـــويل يدهـله كـل قرنــــــاس
في راس مرجوم عسير المنالي = تلعب به الارياح مع كل نسنـــــاس
في مهمة قفر من الناس خالـي = يشتاق له من حس بالقلب هوجاس
قعدت في راسة وحيد لحالــــي = براس الطويل ملابقة تقل حـــــراس
متذكر في مرقبي وش غدالــي = وضغـقت بالكفين ياس على يـــــاس
اخذت اعد ايامها والليالــــــــي = دنيا تقلب ما عرفنا لها قيـــــــــــاس
كم فرقت ما بين غالي وغالــي = لو شفت منها ربح ترجع للافــــلاس
يقطعك دنيا مالها اول وتالـــــي = لو اضحكت للغبن تقرع بالاجـــراس
المستريح اللي من العقل خالـي = ماهو بلجات الهواجيس عطـــــــاس
ماهوب مثلي مشكلاته جلالــــي = ازريت اسجلهن بحبر وقرطـــــــاس
حملي ثقيل وشايلة باحتمالـــــي = واصبر على مر الليالي والاتعـــــاس
ارسي كما ترسي رواس الجبالي = ولا يشتكي من ضلع عليه القدم داس
يابجاد شب النار وادن الدلالــــي = واحمس لنا يابجاد ما يقعد الـــــراس
ودقة بنجر يا ظريف العيالـــــــي = يجذب لنا ربع على اكوار جـــــلاس
وزله الى منه رقد كل سالـــــــي = وخله يفوح وقنن الهيل بقيــــــــاس
وصبه ومدة ياكريم السبالــــــي = يبعد همومي يوم اشمه بالانفــــــاس
فنجال يغدي ما تصور ببالــــــي = وروابع تضرب بها اخماس واسداس
لاخاب ضني بالرفيق الموالـــي = مالي مشاريه على نايد الـــنــــــــاس
لعل قصر ما يجي له ظلا لـــــــي = ينهد من عال مبانيه للســــــــــــاس
لاصار ماهو مدهـل للرجالـــــــي = وملجا لمن يشكي الضيم والبـــــاس
بحسناك يامنشي حقوق الخيالـي = ياخالق اجناس ويامغني اجنـــــــاس
يجعل مقره دارس العهـــــد بالـي = صحـصاح دوّ دارس مـابه اونــــاس
البوم في تالي هـــدامه يلالـــــــي = جزاك ياقـصر الخـنـــا وكر الادناس
متى تربع دارنا والمغـــــــــــــالي = وتخضر فــياض عقب ماهيب يباس
نشوف فيها الديدحان مـتـــــوالي = مثل الرعاف بخصر مدقوق الالعاس
ونثير على البيدا سوات الزوالــي = يشرق حمارة شرقة الصبغ بالكاس
وتكبر دفوف معبسات الشمارلــي = ويبني عليهن الشحم مثل الاطعاس
( محمد الأحمد السديري )
[/poet]

[قصيدةبلاعنوان]

[ALIGN=CENTER]وليكم هذة القصيدة بدون نقط[/ALIGN]

[poet font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
هل الهلال وهامل الدمع مدرار=لا هل واهمل ماطره كالهلل هل
صور وصار الملح والدل والكار=له والمها ما له ولا رسم ما كل
لو صاح صالح طالعه ساع ما دار=اسود على صدره على المسك عمل
سامح محمد لا راى روس الاسطار=وحسامه الصارم لراع الهوى سل
ولا رد كود اهلا وسهلا له كرار=والحلم هو والعلم دله ولا دل
اساله وما درى الود ما صار=ولا ولاله كم دور لهم عل
اول صدور مواصله والهوى صار=لما الدهر رده على حاله اول
ما صح عله والرعد ما وسم دار=والحال حال الحول والحمل ما حل
ولولا حلاها حلها روس الاكوار=ما حل له دل ولو هو حل ما دل
عسا عسى ما كمل الدار للدار=عاد الرحا دوره على روس الاوحال
وصلوا على طه عدد رمل الاوعار=او ما كسا سهل الوطا للسما طل
[/poet]

[الرا مــــي]

[ALIGN=CENTER]تشكر يامن نقلت هذه القصيدة الجميله
وقد نسختها الأن لأنني كنت أبحث عنها

ولاكنني طماع أرغب في مساعدتي في
العثور على قصيده أحفض من أبياتها القليل
وتقول في أحد أبياتها


يالله أنا طالبك حمر هوى بالي

وهي قصيده قديمه وجميلة جدآ

وياليت تكون بنفس التنسيق االجميل الذي
عملته لهذه القصيده
ولك الشكر والقدير[/ALIGN]

[قصيدةبلاعنوان]

[ALIGN=CENTER]يالله انا طالبك حمر هوى بالي
فراج ابن زيفه القرقاح القحطاني
وقد غناها سمير الوادي قبل 30 سنه [/ALIGN]

[poet font="Simplified Arabic,5,black,bold,normal" bkcolor="burlywood" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يالله أنا طالبك حمر هوى بالي = لين روح الجيش طفاح جنايبها
وان برك الجيش حاديها أشهب اللالي = لاهي تورد وسيع صدر راكبها
اللي على كورها واللي بالحبالي = واللي على المردفه واللي بغاربها
لين روحت مع سباريت الخلا الخالي = كن الذيابه تنهش من جوانبها
مع بندق رميها ماضي له أفعالي = ومخضب عذبها من ضرب شاربها
حديدها واذكر الله كنه ريالي = كن الحيايا تلوى في مقاضبها
آليا لفونا من المقناص زعالي = أحد مدح بندقه واحد يعذربها
بشرتهم بالعشاء من عقب مقيالي = القايدة مع مرد الكوع ضاربها
الله يرحمك يا عود شراها لي = من واحد جابها للسوق جالبها
[/poet]



[ALIGN=CENTER]http://www.mwary.com/sheer/samr3/40.htm[/ALIGN]

[ابن علي]

أعجبتني القصيدة الآخيرة وأعجب أفضل بيت قال الشاعر فيها من وجهة نظري عندما قال:

الله يرحمك يـا عـود شراهـا لـي
من واحـد جابهـا للسـوق جالبهـا