" العين للقلب شاشة "

[عبدالعزيز الشاطري]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
النفس في شوفة المحبوب ملتاعه=والحب عن شوف غيره بات معميني
فيه المشاعر لنا بالسمع والطاعه=والقلب بيّن على عْيوني عناويني
القلب له لو تغلّى .. فيه مرباعه=دايم يصبّحني بْخير ويمسّيني
احيان ماحسّ بجروحه ومقلاعه=اليا التقت بالمشاعر عينه وعيني
واحيان نبضه يطمّنّي على راعه=مرتاح لو السهر للعين مشقيني
والعين للقلب شاشه تكشف اوضاعه=والبثّ فيها مشفّر بين قلبيني
من شان خلّي يشوف الحب واوجاعه=ويشوف يوم يتمشّى فالشراييني
وْيرفق بحالي ويعطيني ولو ساعه=من كلّ ليله يبرّد جمر يكويني
يا عين لو هلّ دمعي صعب مرجاعه=بثي برامجك حصري بينه وبيني
وْياقلب لو صار بين الناس قطّاعه=الوصل ساس العلاقة للمحبّيني
[/poem]

[المعلم]

عبدالعزيز الشاطري
سلمت ودمت بخير

[*أبو موسى محلاوي*]

يعطيك ألف عافيه أخوي/عبدالعزيز الشاطري
سلمت ودمت بخير

[أبو سفيان]

على القوة يا عبد العزيز الشاطري

قصيدة رائعة وتعابير جميلة و وصور جديدة تدل على روعة الأفكار

وحسن الصياغة ..
( والعين للقلب شاشه تكشف اوضاعه)
صح لسانك وسلم بنانك