ذكراآكـ .. !

[ياسر الجهني]

تظلمني الذكرى معك مقدر انساك
و اشتاق لك رغم الجروح الأليمه


مدري خطاي اعاتبك في سواياك
و الا خطاك انك تزود الظليمه


وشلون بايعني و انا شاري رضاك
بالله هذي ما تسمى جريمه ؟


اجروح صدك و العنا .. و الغلا ذاك ..
اللي تربى في ضلوعي حشيمه


و جرحن نزف ما بين شوقي و ذكراك
تكفى و اخبرك شهم و نفسك رحيمه


ارحم جريح ٍ حارب اللحظ وياك ..
و اقفى من عيونك يجر الهزيمه ..

ياسر الجهني .. عيدكم ابتسامـة

[المعلم]

عيدك مبارك أخي
ياسر الجهني

[ياسر الجهني]

علينا و عليك يعود بالافراح و المسرات
استاذي المعلم
اشكر لك المرور و المتابعه من ظلمة الاعماق
لتعانق نور احرفكـ
كن بخير سيدي

[وادي الحب(جده)]

وشلون بايعني و انا شاري رضاك
بالله هذي ما تسمى جريمه ؟



اخي الحبيب لك مني كل الود والاحترام علي ذوقك العالي وبصراحه اعجبني هذا البيت

تحياتي

وادي الحب (جده)

[ياسر الجهني]

استاذي وادي الحب
اشكر لك المرور و الاعجاب
اسعدني هذا الاطراء الرائع
مما يدفعني للعطاء لهذا الصرح الجميل ( المجالس الينبعاوية )
كن بخير سيدي

[خليل]

ياسر الجهني
كل ما أقرأ لك اجد الابداع والاحاسيس الراقية والعذبة تمنياتي لك بالتوفيق ولك تحياتي

[ياسر الجهني]

استاذي خليل
شكرا ً لمرورك الاكثر من رائع .. اسعدتني قراءتك للنص
و اسعدني ايضا ً ذائقتك الراقية
شكرا ً لهذا العبور القيّم
كن بخير سيدي