مبروووووووووووووووك ياخالد الهلــــــــولي

[ضمن السناني]

الأستاذ الغالي الشاعر/ خالد بن سعيد الهلولي ألف مبرووووووووووووك

ومشتاق لعلومك الغانمة000واستلم

[poet font="Simplified Arabic,4,crimson,normal,normal" bkcolor="transparent" bkimage="backgrounds/13.gif" border="none,4,gray" type=2 line=200% align=center use=ex length=0 char="" num="0,black" filter=""]
يامرحباااا ترحيبة(ن) ياخالد ابن سعيد فيك= وأطلب من الله يحفظك ياصاحبي لي والديك
وانته ولد نشمي تعرف اللي لكم واللي عليك= أقولها واللي عقد روس الحبال يحلها


مبروك ياخالد ابن سعيد عد النجوم=واعداد ماهلت مزون ودرج سيلها
عامين غايب ولكن جبت فيد وعلوم=واليوم هات العلوم وجيب تحليلها
[/poet]

[خالد الهلولي]

الشاعر والأخ العزيز ضمن السناني...

بارك الله فيك وعافاك..........

واعلم ان شوقي لك اكبر............والميدان ياحميدان

استلم لاهنت............

[poet font="Simplified Arabic,4,black,normal,normal" bkcolor="transparent" bkimage="backgrounds/11.gif" border="none,4,gray" type=2 line=200% align=center use=ex length=0 char="" num="0,black" filter=""]
يا صاحبي لو قلت لك مشكور ماظني وفيت=لاشك راع الأولة مادام في وصلك بديت
ابشرك مع صفحة الماضي انا هجرك طويت=اقولها واللي عقد روس الحبال يحلها





مشكور ياضمن قافك ياعضيد اللزوم=معروف درب المهابة في يدينك حيلها
عامين والقاف قصر في حقوق القروم=الحق باقي وريح المسك يعشق شيلها
[/poet]

[ضمن السناني]

حياك الله ياأبو سعيد

وشد حيلك والله يوفقك إن شاء الله



[poet font="Simplified Arabic,4,crimson,normal,normal" bkcolor="transparent" bkimage="backgrounds/13.gif" border="none,4,gray" type=2 line=200% align=center use=ex length=0 char="" num="0,black" filter=""]
لاتقابل الترحيب في مشكور ياعبدالشكور=من يوم رحت الشرق صرت تغيب في ليلة عاشور
وأنته من رجال(ن) تفك الذود من ساس مخبور= أقولها واللي عقد روس الحبال يحلها



فالشرق قالوا لنا خالد مطوع يصوم=ويقوم فالليله اللي دامس(ن) ليلها
ولافيه شخصاً من الزلات صار معصوم=من بعد ماجاتنا النشره وتفصيلها
[/poet]

[خالد الهلولي]

البقا يا ابو عواد

والشدة بالله وانا اخوك

استلم لاهنت......

[poet font="Simplified Arabic,4,black,normal,normal" bkcolor="transparent" bkimage="backgrounds/11.gif" border="none,4,gray" type=2 line=200% align=center use=ex length=0 char="" num="0,black" filter=""]
الليلة اللي شفتها لو جتك يا ضمن تغدي=حالك سواده ليلها من ظلمته فيك نعدي
لكن تناساها وخلك عاقل ياسيدي=اقولها واللي عقد روس الحبال يحلها



ساعة لربك وساعة ظالم لي تنوم=لاشك فيك العبادة زايد ويلها
لاقصر الرجل فينا عن قصورة نقوم=وإلا المزوح يغفرها طيب تعليلها
[/poet]

[ضمن السناني]

راااااااااااحت ياسنايدي عليك

ولاهان رأسك يابعدي

ليه الهجوم العنيف

[poet font="Simplified Arabic,4,crimson,normal,normal" bkcolor="transparent" bkimage="backgrounds/13.gif" border="none,4,gray" type=2 line=200% align=center use=ex length=0 char="" num="0,black" filter=""]
أنا أحمد الله واشكره ماسرت في عوج الدروب=إن رحت يم الشرق وإلا رحت ياخالد جنوب
عوّد على سنة محمد ياولد ورجع وتوب= أقولها واللي عقدروس الحبال يحلها

المشكله مالقينا قسمك من القسوم=يامطوع الشرق والله مانت بحويلها
مير استريح وتريح ياولد ومخدوم=ومانواخذ أهل العقول بقول جهيلها
[/poet]

[خالد الهلولي]

اذا بتعصب امشي:(

بعدين ما كل ما يعرف يقال يا ابو عواد الله يهداك

استلم يا بعدي(حلوة بعدي شرقاوية)

[poet font="Simplified Arabic,4,black,normal,normal" bkcolor="transparent" bkimage="backgrounds/11.gif" border="none,4,gray" type=2 line=200% align=center use=ex length=0 char="" num="0,black" filter=""]

ماتتهم رجل طيب دون تحضر شهود=حضر شهودك وخلك عادل بالورود
وإالا تراجع وانا اسمح قبل تصل الحدود=اقولها واللي عقد روس الحبال يحلها



ماينشر القول مني في عيون الخصوم=غمض وخل الحكاية عندي اشيلها
مالك ومال النقايص وانت رجل محشوم=ترى الرسالة حلاها عذب تذييلها
[/poet]

[ضمن السناني]

iهلا وغلا

أزعل ليه؟ وش دعوى

لكن بعدي حلووووووووووووووووووووووووه

[poet font="Simplified Arabic,4,crimson,normal,normal" bkcolor="transparent" bkimage="backgrounds/13.gif" border="none,4,gray" type=2 line=200% align=center use=ex length=0 char="" num="0,black" filter=""]
اشوف خالد قام يرطن مثل رطن أهل القطيف=انا مالومه دام عاشرهم وصار إلهم وليف
لكن لاتضوي جهينه في علومك يالطيف= اقولها واللي عقد روس الحبال يحلها


دام أنت أكلت البصل ياخالد اشبع بثوم= ومن عاشر القوم توميله ويوميلها
وما نتبع الناقصه ياشيخ من روس قوم= والا الرساله على وجهين تأويلها
[/poet]

[خالد الهلولي]

كذا مو زين تتريق على رطني وتقلدني

بس ماعليك عادي

استلم لاهنت


[poet font="Simplified Arabic,4,black,normal,normal" bkcolor="transparent" bkimage="backgrounds/11.gif" border="none,4,gray" type=2 line=200% align=center use=ex length=0 char="" num="0,black" filter=""]
ضاعت قضيتنا وصار الهرج في عرض وطول=هات الحقيقة وخل النقص من دون العقول
والا توكل و دور صحن تونه وفول=اقولها واللي عقد روس الحبال يحلها



ياضمن بدل كلامك قبل تصبح رجوم=ابعد عن الشر والغبات غنيلها
دراي مريرة شبابك دام طيرك يحوم=واحذر عذاب الغمامة وانته تخيلها
[/poet]

[ضمن السناني]

لاهان راس

بس ترى قمت تزعلني

واستتتتتتتتتتتتتتتتتتتتتتتتلم

[poet font="Simplified Arabic,4,crimson,normal,normal" bkcolor="transparent" bkimage="backgrounds/13.gif" border="none,4,gray" type=2 line=200% align=center use=ex length=0 char="" num="0,black" filter=""]
تبغى الصراحه القضيه ثابته بين الثنين=أنته من أنصار الحسن والا من أنصار الحسين
ومن عاشر اهل الدين صار اليوم في تقوى ودين= أقولها واللي عقد روس الحبال يحلها


الهرج واضح وبيّن ياولد للعموم=لاتغرك أهل ضرمه في زين تطبيلها
وان زرت خيف الحسن في كل ليله ويوم=عوّد على النوخذه واحفظ مواويلها
[/poet]

[خالد الهلولي]

لا طاح الجمل كثرت ..........

ماعلينا هاك ردي....

وسلملي على الحسن معك....


[poet font="Simplified Arabic,4,black,normal,normal" bkcolor="transparent" bkimage="backgrounds/11.gif" border="none,4,gray" type=2 line=200% align=center use=ex length=0 char="" num="0,black" filter=""]
من يوم شفت الجنازة جبت لطم الخدود=عارفك وافي وعندك بالمعاميل زود
ليتك تعذر المودع في حضور الوفود=اقولها واللي عقد روس الحبال يحلها



حافظ دروسي وقافي مير عندي هموم=هزت ضميري ونفسي صرت احاكيلها
اليوم راجع حسابك من اصول وخصوم=واعرف عليك وعلينا كيف تعديلها
[/poet]

يا ابو عواد الاصول والخصوم تعابير محاسبية
الاصول اللي لك والخصوم اللي عليك

[ضمن السناني]

[ALIGN=CENTER][/ALIGN]

[خالد الهلولي]

[ALIGN=CENTER]الاخ العزيز والشاعر الذي لا يشق له غبار/ ضمن السناني

الشكر لك وما عليك زود ياسنايدي

ولنا لقاءات اخرى بإذن المولى عز وجل فالكلام معك لايمل

سبحانك اللهم اني استغفرك واتوب اليك

تقبل كل احترام وتقدير لشخصك الكريم[/ALIGN]