&**** بنت الرجال ****&

ناصر الصواب · 13-06-2004, 01:43 AM

إخواني الأعضاء:السلام عليكم ورحمة الله وبركاته

بنت الرجال .. بنت العفة والنقاء .. اختارت عنوان القصيدة من اسم شاعرتها التي لقبت نفسها (( بنت رجال )) أتمنى أن تحوز على أعجابكم

[ALIGN=CENTER]بعثرت جرحي واصبح الجرح يختال والهجـر للفرقـا تـرى مـد كفـه

قلبي تغشاه الألـم والزمـان مـال يالعنبـوك الجمـر بالجـوف طفـه

ليت احتراقي منك لحساسي اغتـال ماكان أنا بنـت الشريـف ومخفـه

لاتحسب إنك مشغل هاجـس البـال مثلك يـروح وكـل شـيء يضفـه

ماهوحسافـة فقـد هافيـن الأفعـال إللـي سـواد الفعـل دايـم يلـفـه

أنا طموحي معرب الجـد والخـال شريف مايطلـب لقـاء قبـل زفـه

واللي مثل شرواك لايلبـس عقـال محدن يبي يعطيـه ولحـدن بصفـه

ليه الغلط عقب الغلا عقـب الامـال بالله نفسـك مابهـا ربـع عـفـه

رجال مثلك لاعشـق بنـت رجـال يموت ريقه ماوصـل ريـق شفـه
[/ALIGN]

**الحازم** · 13-06-2004, 02:12 AM

الف شكر اخوي ناصر على نقل هذه القصيده الجميله

ولو انني اعتقد ان كلمة (الزمان) في البيت الثاني اخلت بالوزن

وان الكلمه الصحيحه هي( الزمن )

وتقبل تحياتي

ناصر الصواب · 14-06-2004, 01:56 AM

شكراً أخي الحازم على إنتقادك الطيب وفعلاً بدل كلمة الزمان (الزمن) ، لكن هذا

خطأ مطبعي ، وألف شكر على هذا الإنتقاد ،،،،،،

أخوك/ ناصر الصواب.

**خليل** · 20-06-2004, 11:36 AM

الله من شعرا تزين بالامثال000000 اذا قريته صار بالعقل خفــــه
القيل ياصاحبي يبقى للاجيال 00 يرسم مشاعر بالحشى مستضفه
يصوغها فنان شاطر بالاقوال0000 ماهو بمثلي يصف الحرف صفـــه
ياللي كتبت الشعر مني لك وصال00000 الف موقعكم اذا جيت لفــــه