هذه القصيده للشاعر/بخيت مسلم السناني الجهني

[الرسمي]

[ALIGN=CENTER]هذه القصيده للشاعر/بخيت مسلم السناني الجهني


ياراكب اللي غير فرمل وبنزين = اللي ليا قفى سريعن غياره
لاقفى مع الخده سوات الشياهين = لاكف جنحان السعد بنحداره
وقت الهداد وجايعن له نهارين = وفكو له البرقع وشاف الحباره
جمسن جديد موديل واحد وتسعين = بالشاص واللوحات والاستماره
اللون عنابي وبالجنب لونين = ومميزاته كلها بالغماره
مايتعب السواق لو ساق يومين = ممشى ثلاث ايام له من نهاره
لا ريٌحه من بعد ميه وعشرين = مثل السحاب اللي تقطع غباره
ينصى لابو هذال زبن الضيافين = سقم الحريب وعز ضيفه وجاره
راع الكرم والجود مقدم وهالحين = والمذهب الطيب بجوده وقاره
ساير على طبع الجدود القديمين = والنمر مافي داره الا النماره
بالمرجله والطيب والجود والدين = هذا الكلام الصدق ماهو قماره
يستاهلون المدح حينن بعد حين = والا الردي مدحه حرام وخساره
واليا تقهويتو وقال انتم منين = عطه العلوم كبارها والصغاره
قله بخيت معذب له زمانين = وان كان كبيته قريب انتحاره
اسباب همه داعج الكحل فالعين = الجادل اللي معتدل في مساره
واف الخصايل كامل الوصف والزين = واهل العلوم الخياره
منساه مادمنا على الكون حيين = مثل السجين اللي عليه الخفاره
حدتني ضروفي عن العيص شهرين = ماصح لي لو هو نهارن زياره
اما تعلمني ديرته وين = ولا تقول اليا ذوانه بداره
ان قلت لاهالحين بالعيص باقين = بارضن خلاويه بعيده دياره
لو انه ينادي يدور المحجبين = ماله مجيب يشب له ضو ناره
يعول عويل الذيب ساقت محيلين = يبغى العشا ومتعبه في مداره
يبادل الونات ويقول الى وين = ثمٌن يصفق في يمينه يساره
طواه كل الياس والهم والدين = ماحوله اللي يجبره بالجباره
هذا جوابي مرسله بالعناوين = والرد لايطول علي انتظاره
وختامها عدادها فرض المصلين = وعداد من بالحج يرمي جماره[/ALIGN]

[صالح السناني]

[ALIGN=CENTER]أخي الأستاذ الرسمي أشكرك على اتحافنا بهذا العبق الجميل

الذي شوقنا للعيص الأصيله فلا غرابه..أن هذه المدينه التاريخيه

زاخره بالمواهب الباسقه والعريقه وأبنائها الموهوبين كثر

وهذا الشاعر الفذ هو أحد فرسان الشعر الشعبي العريق فيها شكراً

للكاتب النشط الأستاذ الرسمي وتحيه فائقة التقدير لأخي الكبير

الشاعر أبوعبدالله والتحيه موصوله للفارس الآخر الموجهه له

القصيده الشاعر أبو هذال والتحيه لكل الأهل والأحبه في

مدينتنا الشامخه دائما العيص .

شاعرالغربه[/ALIGN]

[الرسمي]

[ALIGN=CENTER]مشكور على الرد وتسلم [/ALIGN]