من روائع الشاعر بندر بن سرور

[خميس حمدان الرفاعي]

[poem=font="Simplified Arabic,7,#0033FF,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
القصيدة الأولى كتبها في بداية حياته :
يا لله يا جالي الأمور المهمّة = تجلى وهج قلبٍ برى حال راعيه
البرّ دجته والبحر رحت يمّه = وادراج سبب حظٍّ على الله مساعيه
يوم أنّ ولد اللاش رزقه على أمّه = رزقي على اللي ميّيت القشع يحيه
ماني وانا بندر ببيّاع دمّه = خسران يا بيّاع دمّه وشاريه
اللي يبيّع لابسات الأزمّة = ثورٍ يبا بيض العماهيج تغنيه
خطو البخيل اللي يكبّر معمّه = يقرا الكتاب وواجب الله يخليه
إمّا هرج لك رفيقه بنمّه = والاّ عطى وامّه تضيع هقاويه

القصيدة الثانية نسخها على نفس وزن وقافية القصيدة الأولى وكتبها فيما بعد :
يا ملّ قلبٍ كلّ ما مات همّه = دارت دواليب الدهر لين تحييه
أحدٍ ينام وحطّ راسه بكمّه = واحدٍ تخمّ النوم عينه وتخطيه
واحدٍ يحاول بالردى بنت عمّه = واحدٍ يحاول ستر عذرا عوانيه
أنشدك ياللي كلّ شيٍّ تتمّه = تقرا الكتاب وكل فرضٍ تصليّه
ويش القليب اللي عميق مجمّه = ما سرّ غرسه ماه عطشى سوانيه
سمّ السبب يا عارفٍ عنه سمّه = سمّ السبب يا عارفه قبل اسمّيه [/poem]

[أبو سفيان]

شكرا أخي / خميس
الحقيقة أن هذا الشاعر / بندر بن سرور العتيبي يرحمه الله شاعر فحل وهو من أهل الدوادمي له من القصائد والحكايات والمواقف ما تستوقف المتأمل في سيرته وحياته الحافلة ، وقصائده تجذب القارئ لما تحتويه من مواهب شعرية وحكم وإبداعات ودائما ما يعتز بنفسه وبقبيلته كقوله في إحدي القصائد :
[poem=font="Simplified Arabic,6,#9E9E1C,bold,normal" bkcolor="" bkimage="" border="double,4,#400000" type=2 line=0 align=center use=ex num="0,#400000"]
ماني وانا بندر براعٍ ولد راع =انا الحصان اللي طوالٍ حباله
إبن سلايل خير من شالت القاع =المصطفى الهادي وديع الرسالة[/poem]

[خميس حمدان الرفاعي]

شكراً مشرفنا العام أبو سفيان على مرورك العطر وكل عام وانتم بخير