ترفع ذنب وتطمّن المتن والراس

[إبراهيم المحياوي]

هذه قصيدة للشاعر الكبير سليمان بن شريم رحمه الله
كنت أبحث عنها منذ زمن وعندما وجدتها أحببت أن أنقلها لكم لتطلعوا عليها
لروعتها وجمالها وقوة سبك أبياتها
[poem=font="Simplified Arabic,6,white,bold,italic" bkcolor="sienna" bkimage="" border="outset,4,chocolate" type=2 line=0 align=center use=ex num="0,black"]
البارحـة مـا ذاقـت النـوم عينـي=هـمّ بتنجيـم بفـكـر بهـوجـاس
وأصبحت من غبّ السهـر والونينـي=جسـم برمّـة مجـرم عنـد حبّـاس
صبرت ليـن الصبـر بيّـح كنينـي=ولا شفت لي من جملة الصبر نومـاس
شابت عوارض لحيتـي قبـل حينـي=وقنعت من عقب الفوايـد بالإفـلاس
دنيـاك هـذي تفجـع الغافليـنـي=ترفع ذنب وتطمّـن المتـن والـراس
تبدّلـت هـرج العـرب بالرطينـي=وقامت تجنّس لي على سبعـة أجنـاس
رخص الحصان ورخصـوا الطيبينـي=وغلي الحمار وما إشتبه له من النـاس
وقام الـردي يدحـم بجنـب متينـي=وابن الحموله قام يمشي مـع السـاس
وقـلّ الرفيـق وقلّـوا الغانميـنـي=وكثر الحسد وأهل النمايم والأنجـاس
وشان الزمان وشان وجـه الضمينـي=وتغيّـرت كـل الطبايـع والألبـاس
والمال صـار مـع المـره والدوينـي=والطيب راح وقطّعت عنـه الأرمـاس
وخليت كفـوف مدلّهيـن الحزينـي=واللي تورثّهم شعـر سـاق حسـاس
والذيب جـاع وكـل ثـور بدينـي=والحر برقع وأبـرق الريـش فـرّاس
وذلّ الجسور وكـلّ حـد السنينـي=وتكشيف عرض الناس هو سهمة الناس
والمرجلـة نسخـت مـع المارتينـي=وتعوّضوا عنهـا بخوصـه ومكنـاس
وصار الردي يحشم مـع الحاضرينـي=والراس ديس وخدّم الحر أبا الحـاس
وصار الصديق هـو العـدو البطينـي=يشرف عليك ويصبح الصبح بـلاّس
وطرد الهـوى بختـوا بـه المفلسينـي=شرّابـة المصفـاه طبّاخـة الـفـاس
وختـام قيلـي أيهـا السامعيـنـي=صلوا على المختار مـا هـل رجّـاس
والآل والأصـحـاب والتابعيـنـي=عد النبات وعد حصحاص الأطعـاس[/poem]

[دنقر لاند]

ياخساره يابراهيم وش عاجبك بهالقصيده ربنا سبحانه وتعالى يقول (ولقد كرمنا بنى ادم) وصاحبك يشبه الحمار بالأنسان وتقول لروعتها وجمالها لا والله انه رجعى ومتخلف . ياليتك ما لقيتها ولا جبتها لنا .

رخص الحصـان ورخصـوا الطيبينـي
وغلي الحمار وما إشتبه له من النـاس

[عطرالليل]

][ياخساره يابراهيم وش عاجبك بهالقصيده ربنا سبحانه وتعالى يقول (ولقد كرمنا بنى ادم) وصاحبك يشبه الحمار بالأنسان وتقول لروعتها وجمالها لا والله انه رجعى ومتخلف . ياليتك ما لقيتها ولا جبتها لنا .

رخص الحصـان ورخصـوا الطيبينـي
وغلي الحمار وما إشتبه له من النـاس
لاخوي دنقرلاند انت فهمت خطا اللي يقصد الشاعر انه في هذا الوقت رخص الحصان والانسان الطيب وغلي الحمار والذي يشبه له من الناس وشكرا لك انت والاخ ابراهيم

[إبراهيم المحياوي]

ياخساره يابراهيم وش عاجبك بهالقصيده ربنا سبحانه وتعالى يقول (ولقد كرمنا بنى ادم) وصاحبك يشبه الحمار بالأنسان وتقول لروعتها وجمالها لا والله انه رجعى ومتخلف . ياليتك ما لقيتها ولا جبتها لنا .

رخص الحصـان ورخصـوا الطيبينـي
وغلي الحمار وما إشتبه له من النـاس

أخي العزيز دنقر لاند
أولا أشكرك على مرورك
ثانيا سبقني أخي عطر الليل بالتوضيح
ثالثا أبيات القصيدة لو تمعنتها كلها توحي بمثلما قال أخي عطرالليل

[إبراهيم المحياوي]

][ياخساره يابراهيم وش عاجبك بهالقصيده ربنا سبحانه وتعالى يقول (ولقد كرمنا بنى ادم) وصاحبك يشبه الحمار بالأنسان وتقول لروعتها وجمالها لا والله انه رجعى ومتخلف . ياليتك ما لقيتها ولا جبتها لنا .

رخص الحصـان ورخصـوا الطيبينـي
وغلي الحمار وما إشتبه له من النـاس
لاخوي دنقرلاند انت فهمت خطا اللي يقصد الشاعر انه في هذا الوقت رخص الحصان والانسان الطيب وغلي الحمار والذي يشبه له من الناس وشكرا لك انت والاخ ابراهيم

أخي الفاضل عطر الليل أشكرك على مرورك العطر
وتوضيحك الرائع والمفيد
تقبل مني خالص التحية
ودمت بود

[دنقر لاند]

اهم شي انتم مستانسين هذا اللى نبغاه مشكورين