قصيده بمناسبة رمضان للجميع....شاعرالغربه

[صالح السناني]

[poet font="Simplified Arabic,3,darkblue,normal,normal" bkcolor="transparent" bkimage="backgrounds/10.gif" border="none,4,gray" type=2 line=200% align=center use=ex length=0 char="" num="0,black" filter=""]
من أجل الأخوه الذين لم يقرأوها من قبل أهداء للجميع وكل عام وأنتم بخير
أتبع طريق الخير
البارحه من خشية الرب هليت=دمع الخشوع وقلت ياربي هداك
بكيت بين يديك يامحيي الميت=ساجد لوجهك طالباً منك رحماك
يامن ليا ضاقت وفي ضيقها ازريت=دعوات عبدك صوب عرشك ترجاك
كاني بتقصيري غفلت وتماديت=رحماك سامح عبدك اللي ترضاك
رحماك يارب السماوات والبيت=طالبك عفوك وارجي اليوم حسناك
سبحانك لوحدك بحمدك تعاليت=أنت العزيز وماحلا وقت نجواك
يالعبد وش عذرك ليامن تناسيت=واهملت دينك واستبدت خطاياك
واهدرت عمرك بالمعاصي وقفيت=وفارقت اهلك وربعك ودار مرباك
واصبحت في قبرك لحالك وناديت=وماحدٍ يرد الصوت ماينفع نداك
وجاك الحساب وقلت ياليت ياليت=ياليتني جنبت هذا وهاذاك
ياليتني بالليل قمت وتوضيت=ياليت عمري سجدةٍ عند مسعاك
ياليتني رحت المساجد وصليت=ولاشفت شي اسمه معسل وتنباك
ياليتني مع الملبين لبيت=والا مع الأبرار في يوم لقياك
ياليتني من مالي اهديت واعطيت=مادام مالي من وهايب عطاياك
ياليتني غضيت طرفي وصديت=عن مغرياتٍ ماتساوي بهاياك
ياليتني لأمي وابويه تفانيت=وارضيتهم واحسنت في غاية رضاك
ياليتني بخصال ديني تحليت=مااحلاك ياوقفة عرفات مااحلاك
ياليتني في سيد خلقه تقديت=ذاك الأمين اللي ختم دين بشراك
يالآدمي ل صرت حي وتعافيت=سبح وكبر في صباحك وممساك
واغنم حياتك قبل يوم التناهيت=اتبع طريق الخير لاتغرك خطاك
مااسعدك ياللي ل انتهيت وتوفيت=تهدى كتابك وانت راضي بيمناك
ومااتعسك ياللي ضاق قبرك وونيت=صفر اليدين وجاك عملك وبكاك
شاعرالغربه
[/poet]

[فرج الصبحي]

يسلم راسك يا استاذ صالح

وكل عام وانت بخير
ورمضان كريم

[ضمن السناني]

صح لسانك ايها الرااااااااااااااااائع

بالفعل شاعر مبدع ورائئئئئئئئئئئئئئئئئئئع

شكرا لك ياشاعر الغربة

[سعد الهلــــولي]

رحــمـــاك يـــــارب الـســمــاوات iiوالــبــيــت
طـالـبـك عــفــوك وارجــــي الــيــوم iiحـسـنــاك

دمت لنا يا شاعر الغربه
ودام ابداعك
لا نملك من الكلمات ما نعبر به عن اعجابنا بكلماتك
كل ما نقول علينا مواصلة المتابعة وعليك مواصلة الشموخ

[ابو نايف]

في البدايه كل عام وأنتم بخير وشهر مبارك وأسأل الله جل وعلا أن يتقبل منا ومنكم الصيام والقيام وأن يوفقنا فيه لطيب العمل إنه سميع مجيب .


أخوي صالح صح لسانك على هذه القصيده الحكيمه من حكيم

وترى!!!!!!

ما مات من أخر من القول ما طاب *** يقراه جيل يارثه عقب جيل

[صالح السناني]

[ALIGN=CENTER] الأساتذه الكرام

فرج الصبحي

ضمن السناني

سعد الهلولي

أبو نايف
كل عام وأنتم في ألف خير أحبتي لكم مني أصدق الأمنيات وأجمل الأوقات
وأشكركم على هذا المرور الممتع بكلماتكم الراقيه كرقي كاتبيها..لكم مني
التحيه أيها الأوفياء دائماً الله لايحرمني أخوتكم التي تتجدد بلقائاتكم الشيقه

أخوكم المخلص شاعرالغربه[/ALIGN]