تحــذير مهم جــــــــدا للذين يستعملـــــــــون اللاب توب

**انسان هادف** · 25-07-2008, 03:54 AM

نصيحة لكم من أعماق قلبي ..
‏تعرفون ان في الفتره هذه انتشرت اللابتوبات اللي فيها كاميرا
‏واي واحد شاري هالابتوب مبسوط فيه وراج راسنا بكاميرته
وماشي عند الناس فشخره لابتوبي فيه كاميرا
لكن اللي اغلبكم ما يعرفه انه انتشر برضو برنامج
‏يشغل الكاميرا بالمسنجر او السكايبي وانت ما تدري
‏يعني راعي البرنامج يدخل عليك ويشوفك وانت تحسب كاميرتك طافيه
‏والادهي والامر انه حتى الشخص اللي انت ما سويت له قبول يقدر يشغل كاميرتك عن
طريق الرسالة الفورية <<< ‏هذه ميزة بمسنجر بلس
واللي خلاني اكتب الموضوع هالسالفة :
‏يوم الاثنين اللي فات كنت رايح لواحد من اخوياي
وهالولد انا افهم وش فيه من تعابير وجهة
‏وشفته مبين عليه الهم والغم والدنيا مو شايلته
‏سالته وش فيك ؟
وقالي سمعت عن البرنامج اللي يشغل كاميرا النت
‏قلت له ايييييه وش بلاه
قال انا يوم السبت تارك ماسنجري مفتوح واللابتوب مشغل
‏ورحت اتروش ورجعت ابدل بغرفتي <<< ‏يعني كان عريان <<
‏يقول شويه واسمع صوت المسن اللي يطلع لو احد كتب لك كلام
‏ولما دخلت الا واحد يقولي شخبارك ومن هالكلام
‏وما امداه اخذ دقيقتين الا يقولي بوريك شيء .. ‏مقطع فيديو
‏خويي تحمس وجا يبي يطالع الا المسكين شاف نفسه وهو يبدل
‏يقول خويي الحمد لله ما اغمي علي ولما اخذ وعطى
‏الولد قاله اذا ما تبي المقطع ينتشر ادفع لي 1000 ‏ريال شحن سوا ترسلها لي
‏طبعن خويي ما وافق لانه عارف ان الولد بيرجع له مرة وثنتين و3
‏الولد للاسف عمره 21 ‏وعاطل ومو هامه احد

حتى لما خويي قاله اتق الله فيني قاله مو شغلي ولا تفتحلي مواضيع دين
‏المهم ان الولد مهدد انه ينتشر المقطع
‏وخويي لما امس وهو مصدوم وحالته حاله وخايف
‏والسبب كله كاميرا اللابتوت اللي حنا فرحانين فيها
عشان كذا نصيحة مني لكم شوفو لها حل
‏غطوها بورقه او كسروها وجيبو وحده خارجية
‏او حطو عليها علك <<< ‏الاخيرة فكرة هنود ما تلاحظون
‏حبيت أنبهكم وبس والباقي عليكم
‏الله يستر على خويي يارب
‏الله يعدم جهاز الولد راعي البرنامج
‏والله يهديه او ياخذ روحه ويفك الناس من شره
‏قولو امين.
‏انتهى.

‏للأمانة منقول
______________________________________________
ياشباب ترى الهيئة عندهم قسم جرائم الكترونية متطور جدا

تخصصهم وقف الابتزازات

فاتمنى ان هذه المعلومه تكون عند الجميع وخاصة اخواتنا البنات اذا طاحت فى امر زى كذا والله يحمانا ويحميكم من شرور الاشرار

**Xj-9** · 25-07-2008, 04:01 AM

الله يستر

**ام بدران** · 25-07-2008, 08:26 AM

انزاع الحقاره والله لكن الله يهديه او ياخذه على قولك انا عن نفسي حاطه لصق اسود عريض على الكام لان صارت معي في المسنجر وخفت والله قلت اغطي امها قبل الواحد مايتوهق والحمدلله ارتحت بعد القلق الي كانت مسوياها لي هالكاميرا

**محمد بدين** · 25-07-2008, 08:50 AM

[align=center]موضوع جميل والله
الله يستر
لكن الموضوع ماني قادر استوعبه
اين اصحاب الخبرة يؤكدون لنا الموضوع او ينفونه
على العموم الله يستر على الغافلين [/align]

**البنوتة** · 29-08-2008, 05:37 AM

[align=center]من جد الله يستر
بس عند الكاميرا في ضوء ينور لما تتفتح [/align]

**بدر عاشور** · 31-08-2008, 11:55 PM

الله يستر

sultan_20074 · 03-09-2008, 07:22 AM

مااتــوقع يااخ سـارح ..

اول شـي ممكن يشغلها عن طريقتين ..

انه يرسل لك رابط و تفتحه

او يرسل لك مقطع او صورة و يتحكم بجهازك

غير كذا مااظــن ..

و بــعدين على فكــرة تلقائــيا اول ماتشتغل الكاميرا تطلع لمبة زرقا جنبها .. !!

و ابــشرك ..

أنا من يوم اشتريت اللاب توب و هي فيه غطا بلاستيك على الكاميرا ..

انا رحت لونت الغطا البلاستيكي بقـلم خط اسود ..