كأس الفراق المر منه تقهويت..........!

[أديب الشبكشي]

كأس الفراق المر منه تقهويت..........!
--------------------------------------------------------------------------------

[poem=font="Simplified Arabic,6,#FF009A,bold,italic" bkcolor="" bkimage="images/toolbox/backgrounds/26.gif" border="groove,4,#FF00A1" type=1 line=0 align=center use=ex num="0,#400000"]
ياليل ماذكر في حياتي تمنيت =مثل ابتسامه تنتشل قلب منصاب

مليت ورب البيت يالييل مليت=من الجروح اللي تجيني بلا اسباب

تدري ياليل اني على الجرح غنيت = غنيت دمعه والصدى ضم الاهداب

تبي الحقيقة والصراحة ترجيت=فرحة ولكن الزمن بالعطا خاب

ياليل قلي بدنيتي ويش سويت = حتى الهموم بداخلي تفتح ابواب

ان كان طيبي عيب ومشكلتي اوفيت = اموت صادق وارفض اعيش كذاب

طبعي كذا من ميزتي ماتخليت = عندي مبادئ دونها ترخص ارقاب

بيني وبينك ياكثر ماتعنيت = اركض بغرفة مغلقة مالها باب

غرفة وراها فرحتي دونها جيت = اركانها عتمة ولاحولي احباب

كاس الفراق المر منة تقهويت =انا اشهدان الشوق بالليل غلاب

ياليل انا لاشفت ماعفت قفيت = اقفي ولو خلفي كثيرين الاصحاب

الا جروحي كل مارحت واقفيت = جتني تحمل صدتي لو وعتاب

ماذكر ولو مرة بحياتي تهنيت = اضحك كذا والصدق عن شفتي غاب

صارت دموعي ضيف وعيوني البيت=ودايم تشوف من المناديل ترحاب

لاشفت شمس الصبح لايديك حنيت = وفي داخلك حبر القلم بالشقى ذاب

اسريك بحالتي واذا رحت ونيت=مابي تروح ودمعتي بين الاهداب

اكتب شعوري في ظلامك على ايت =ونورك ختم قصة عذابي على اب

يالليل قل للصبح اني تمنيت = بس ابتسامه تنتشل قلب منصاب [/poem]

[أم فارس]

[glow=#DEDE7B]

كلمات جميله ومعبره 000000

والله يبعد عنك وعن جميع الأعضاء الحزن والهم

absأختك حنونتيabs[/glow]

[المعلم]

ان كان طيبي عيب ومشكلتي اوفيت
اموت صادق وارفض اعيش كـذاب
طبعي كذا مـن ميزتـي ماتخليـت
عندي مبادئ دونها ترخص ارقـاب

شكرا شبكشي
اختيار جميل
تحيتي لك