صدق اني ماني الشخص المثالي !!!

[دايم السعد]

[align=center]صدق اني ماني الشخص المثالي !!!
---------------------

صدق أو لا تصدق

صدق أو لا تصدق
كل ما تباعدت المسافة بين الرغيف والجوع
تلقى الفرح أصدق

صدق أو لا تصدق
لامن غدت كل المشاكل جوع الصغار وسقفٍ يداريهم قبل يصحى النهار تلقى الشعور أعمق

صدق أو لا تصدق
كل ما انقفل درب انفتحت أبواب

صدق أو لا تصدق
لو فيه احد طيب .. للطيبة أسباب

صدق أو لا تصدق
قليل من يعفي ويسامح ..
كثير وده ينتقم بس ينتظرله وقت سانح

صدق أو لا تصدق
القناعة كنز يفنى ولو كل من يأخذ قنع ..
وكل من يأكل شبع كان الفرح غطى شوارعنا

صدق أو لا تصدق
كل النهايات البداية .. وأحلى البدايات النهاية
وكلنا رغم القساوة الظاهرة .. نبكي قدام المراية

صدق .. إن الشعر صدقه .. اعذبه
ودي احكيلك حكاية وقبلها ابغى لسؤالي اجوبة
المال هذا هو وسيلة والا غاية ؟!
لو ماهو غاية .. ليه الحروب ؟ .. ليه السلام اللي تمناه الشعوب ؟
ليه الحسد يملى القلوب ؟
ابغى لسؤالي اجوبة ...
ليه البر والتقوى .. مليان في جرايدنا ؟!
وليه هموم هالشارع ؟! .. بعيدة عن قصايدنا ؟!
ليه الفساد .. ليه الكساد ؟!
وليه الحروب ؟! .. وليه الحسد مالي القلوب ؟!
وشهو الجواب ؟!
اتمنى انه مايكون المال هذا هو وسيلة ماهو غاية
هذي الكلمة النبيلة .. اخترعها أغنيا
لجل مسكينٍ شقى .. يرضى بقليلة

وصدق انت او لا تصدق
ماني الشخص المثالي .. كل مافي الامر اني شاعرٍ ماهو يبالي
كان صار اللي اقوله علقمٍ او صار حالي
كل مافي الأمر اني استريح .. لا مشابي مركبي عكس اتجاه الريح
وما ابرّي من الخطى نفسي ..
واللي اجاهربه مثل همسي
صدق اني ماني الشخص المثالي
كل مافي الأمر اني اجمع احساس الحواري وسط صدري
وانقل الواقع لشعري
كل مافي الامر اني شاعرٍ مطرود من جنة خيالي
صدق اني ما قصدت اني اكون
صوت للي مايبون
صدق اني ماني الشخص المثالي

والا تدري لا تصدق[/align]

[سفروتة]

شكرا......أخي دايم السعد.
ويعطيك ألف ألف عافيه
من جد مهما تقرا وتعيد ما تمل.

[زعيم المجالس]

تحياتي اخي دايم السعد علي الموضوع الرائع

[المعلم]

صدق أو لا تصدق
قليل من يعفي ويسامح ..
كثير وده ينتقم بس ينتظرله وقت سانح

صدق أو لا تصدق
القناعة كنز يفنى ولو كل من يأخذ قنع ..
وكل من يأكل شبع كان الفرح غطى شوارعنا

صدق أو لا تصدق
كل النهايات البداية .. وأحلى البدايات النهاية
وكلنا رغم القساوة الظاهرة .. نبكي قدام المراية

شكرا دايم السعد

[إكليل الورد]

[align=center]صدق أو لا تصدق
كل النهايات البداية .. وأحلى البدايات النهاية
وكلنا رغم القساوة الظاهرة .. نبكي قدام المراية

موضوع رائع
تقبل مروري[/align]