ياليت ان الزمن يرجع

**المنظار** · 21-01-2007, 08:07 PM

اشهر قصيده شعريه فالوقت الحالي من الممكن صياغتها في كسره
دعوه للشعراء
[poem=font="Simplified Arabic,5,white,bold,italic" bkcolor="darkblue" bkimage="" border="none,4," type=0 line=0 align=center use=ex num="0,black"]
ياليت ان الزمن يرجع = وراء ولا الليالي تدور
ويرجع وقتنا الأول = وننعم في بساطتنا
زمان اول احس انه = زمانٍ فيه صدق شعور
نحب ونخلص النيه = وتجمعنا محبتنا
زمن مافيه لاغيبه = ولاحتى نفاق وزور
ياليته بس لويرجع = ونسترجع طفولتنا
صغار قلوبنا بيضاء = نعيش بعالمٍ محصور
ولانعرف ابد اغراب = ماغير عيال حارتنا
صحيح صغار في التفكير =و لكن ماعلينا قصور
نخطط نكسر اللعبه = وتسعدنا شقاوتنا
نروح المدرسه بدري = ونضحك داخل الطابور
نحاول نزعج العالم = في روحتنا وجيتنا
وعشان نأخر الحصه = نخبي علبة الطبشور
نشاغب بس في الآخر = تميزنا برائتنا
نحب الضحك والهيصه = نحب النط فوق السور
نفرفش ليه مانفرفش = مادام الضحك عادتنا
ولكن دارت الأيام = وبان الخافي المستور
وصار الهم متعلي = على قمة سعادتنا
كبرنا وصارت الدنيا = تصف احزاننا بالدور
وتهدينا الألم والهم =غصب عن عين رغبتنا
تعبنا من بلاوينا = احد ضايق واحد مقهور
وكلٍ غارق بهمه = وفي الآخر تشتتنا
وانا ما اقول غير الا = ياليت ان الزمان يدور
ويرجع للورى فتره = نعدل وضع عيشتنا
[/poem]

أبو زارع · 21-01-2007, 08:20 PM

الله يا استاذ المنظار على الاختيار والله قصيده مؤثره جدا عشت معها لحظات باحساس غريب . الله يرحم والديك شيل العين الا انت حاطها شفتها راح الاحساس الجميل ولا حطها فوق لا تفجأ احد فيها . وشكرا على اهداء القصيده الرائعه لقسم الكسره