يتيم

[عيد سعيد]

[poet font="Arial,4,darkred,bold,normal" bkcolor="transparent" bkimage="backgrounds/23.gif" border="none,4,gray" type=2 line=200% align=center use=ex length=0 char="" num="0,black" filter=""]
أنا من جيت للدنيا يتيم وخاطري مكسور = عرفت اليتم من صغري وسكن في وسط نظراتي
تلبسني ولبسني ثياب الغدر والمغدور = اذا يمشي معي ضلي وانا اخفيه بسكاتي
قست في حقي الدنيا سنين والحقتها شعهور = وحيد تايه مدري .... اجمع باقي اشتاتي
انا الوحده انا الحرمان انا كل الاسى والجور = انا قصة عذاب اكبر من اللي عاش ما ساتي
انا اللي ما عرفت امي وجربت الحنان شعور = ابد ما قلت يايمه سوى كلمة بكتاباتي
بعد اسمي يجي اسمه ابوي ويلحقه مغفور = توفى قبل ما اشوفه وبقى اسمه بملفاتي
انا من هو فقد عمره قبل عينه تشوف النور = عطيت الحزن من حزني وجزع من كثر وناتي
انا من ذاقت حروفه هموم والهموم بحور = انا الربان والمركب ودروب الحزن موجاتي
انا اللي تنزل دموعه اذا شاف اليتم مقهور = احس بشي عايشته رصيدي فيه خبراتي
يقولون الطفل يبكي ويلقى للحنان صدور = واقول مدري وش الداعي ابسأل فيه عماتي
ويقولون الطفل فرحة وينثر بالمكان سرور = واقول مدري وش الفرحة غريبه يمكن اهاتي
ويقولون الطفل ورد ورياحين بعد وزهور= وانا ودي اصدقهم ... واجرب مره في ذاتي
ويقولون الطفل بسمه يجي العالم لها مسحور = وادور بين بسماتي ولا القى غير عبراتي
رجعت لدفتر الماضي افتش عن فرح وحبور = نظر لي دفتري نضره . وقال اكتب به وصاتي
تذكر ما مضى يومك صغبر مع ثلاث بزور = تلحفتوا سما ربك وارضه لك مخداتي
يمر العيد من حولك تطالع به . نعم مبهور = تنازع فرحتك رغبه تدورها ولا تاتي
تبي حضن يضمك شوق ويبني لك هواه قصور = وتبي كف تقبلها ابد من بد الامواتي
وتبي راس تحبه فوق حبه لك زمن ودهور = ابوي .. ابوي .. يا بيي كتبتك اجمل ابياتي
ورجعت لدفتري واعلنت انا الكاتب انا المذكور = انا اللي من شقا عمري عطيتك اسعد اوقاتي
دخيلك لا تحاسبني على ما جا وفيه قصور = دخيلك دفتر احزاني كفصول ما ساتي

[/poet]


[ALIGN=CENTER]================
منقول من جريدة البلاد[/ALIGN]

[الرسمي]

الاخ / ابو رمزى

اختيار واحساس رائع لكلمات قويه ومدمره للقلب تدمير والله يرحم موتان وموت جميع المسلمين واسكنهم الفردوس ان شاء الله .

تحياتى يابو رمزى

[عيد سعيد]

جزاك الله خير اخوي : ابو عماد .