محاورة شعرية بين بوش وبلير

**جراح** · 27-09-2006, 05:32 PM

السلام عليكم ورحمة الله وبركاته

محاوره شعريه حبيت انقلها لكم عسى ماتكون مكرره ..

بلير
الله لايجزاك بالخير يبوش .........ورطتنا في حرب صدام ورطه
عزمتني تقول بترول وقروش ........ بس الحقيقة روحتي معك غلطه

خلووووووها
بوش
يابلير رد العلم عن بوش بن بوش .....الله خلقنا للمقاليد سلطه
وأبوي عنده للرجاجيل دنبوش .....كم واحد شلنا فلوسه ونفطه

خلووووووووووها
بلير
أبوك والنعمين مير أنت مربوش......تموت بالبترول وتحب شفطه
صحيح عندك مال وسلاح وجيوش ......مير أتوقع لك تدهور وسقطه

خلووووووووها
بوش
يابلير كأنك خفت يوم احتمى الهوش .....حرام ماتاخذ من النفط نقطه
قبلك ترى شيراك قد راح مكروش.........شوفه يصرح كل يوم بمحطة

خلوووووووووها
بلير
ورآك ماتعطي لشيراك عرموش.............تراه شغلنا بشيله وحطه
وليا انتهى موضوعنا نرسل طروش .....ونجمع المبلغ من الربع قطه

خلووووووها
بوش
شيراك هذا عنده الفكر مغشوش ......فرط علي في مجلس الأمن فرطه
يدزه اليابان والصين ويطوش............ومجهز الفيتو لتحقيق شرطه

خلوووووووها
بلير
يابوش أنا مرهق وخايف ومدهوش......وأنت تقول الحرب خدعه وخطه
آسراي وآسراك امتلآ منها الحوش ........... عزالله أنه صابني منك جلطه

خلوووووها
بوش
ماقلت لك كم فيه إذاعات ودشوش... ....لاتكشف المعنى وأنا أقول غطه
وان قالوا إنا علوج وأصحابنا جحوش......ماهمني الصحاف والي يحطه