موضوع خطير>>>> فتيات صغاااار يعشقون الــ ... ؟؟؟؟

[اسامة]

موضوع خطير>>>> فتيات صغاااار يعشقون الــ ... ؟؟؟؟

--------------------------------------------------------------------------------

السلام عليكم ورحمة الله

كيفكم جميعا

اليوم اسمحولي بهالموضع الي اشوفه خطير

وهو موضوع يخص البنات بدرجه اكبر من الشباب

ومنتشر عن البنات الي من عمر 12 الى 16 ... هذول البنات يعشوق الانمي؟؟

طبعا يمكن تستغربون بالاول .. الانمي هي الشخصيات الكرتونيه..

لكن الموضع اكبر من كذا .. بعض البنات صاروا متعلقين ببعض الشخصيات ويحبونها

ويتخيلون انها حقيقيه.. وانا صراحة الي خلاني اكتب بالموضع موقف صار معاي قبل كم يوم

"" جات عندي وحده من بنات اختي الصغار عمرها 13 سنه.. وجلست عندي بالغرفه وقالت لي وريني ايش عندك بالجهاز..قلت لها ايش تبغي .. قالت اي شي كرتون او افلام اطفال.. المهم وعندي افلام لاخواني حقت يوقي يو اول ماشافته قااالت ياااااااه هذا يوقي.. وقالتها بطريقه غريبه.. قلت لها ايشبك.. قالت هذا مرره احبه.. والبنات بالمدرسه يجيبون صوره له ولكايبا ولجوي .. وكونان ومدري مين ...قلت لها يعني من جد تحبيه ..قالت والله مره نفسي اشوفه عالطبيعه؟؟ قلت لها تعالي اجلسي جنبي شوي.. وجبت ورقه ورسمت عليها ولد عادي.. وقلت لها شوفي الرسمه بأسميه جون... يالله كلميه؟؟ قولي له حبك ..قالت لي ليش مجنونه؟؟ هذي مو حقيقه هذي بس رسمه... قلت لها طيب ويوقي وافلام الكرتون كلللها زي كذا رسم وخيال ماهو حقيقي.. سكتت شووي وبعدين قالت والله صح .. بس البنات عندنا يحبووون مرره الانمي.. وطول الوقت يتكلمون عنهم.. احنا نتكلم عن الانمي والكبار عن ستار اكاديمي وسوبر ستار..""


هذا هو الموقف.. وابغى اشوف رأيكم بالموضوع....

هل هو فعلا شيء خطير ؟ ولا فتره وتعدي؟؟

طيب ايش السبب الي يخليهم يتعلقون؟؟ هل هو مجرد تعلق طفولي؟ او سوء تربيه؟؟؟

اعذروني على الاطاله... وانتظر ردودكم


مع التحيه اسامة

[فهد سلامه الرفاعي]

كل يوم قناة ـ وكل أسبوع موضة ـ وكل شهر شخصية ـ وكل سنة أعداد الشباب والفتيات في السجون والإصلاحيات تزيد .