قصيدة مؤثره 000؟

[أديب الشبكشي]

[glow=FFFF00][frame="7 80"]قصيدة مؤثره

--------------------------------------------------------------------------------

السلام عليكم ورحمة الله وبركاته


*يـا ليتنـي خدامـة بيـن اياديـك .. من شان اشوفك كل يوم برضايـا*

(ماعاش من يخليك خادمة يا يمه)

هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال ( دار النسيان) والبيت أعلاه يبكي حتى القلب القاسي
اترككم مع القصيده
وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا


يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا

(حسبي الله ونعم الوكيــــــــــــــل)
الله يكون فعونها آميــــــــــــــــن[/frame][/glow]

[محب السنة]

جزاك الله خير ياأخي شبكشي على هذه القيصدة المؤثرة
فعلا قيصدة تبكي القلب
حق الأم والأب عظيم
فالله جل وعلا جعلهما لنا بابان من أبواب الجنة في هذه الدنيا
فيا خسارة من فرط وعق وقصر
نسأل الله البر والإحسان بهما.

ألف شكر أخي شبكشي والله يعطيك العافية

[أبو وضاح]

رااااائعة ياشبكشي تسلم على هذه القصيدة

[أديب الشبكشي]

[frame="13 80"][glow=FFFF66]شكــــــــرا جزيـــــــلا على مرورك اخــــــــى وضاح
دمــــــــــت بخيـــــــــــر وعافـــــــــــيه
أخوك/ الشبكــــــــــــشى[/glow][/frame]

[الضبع]

ياشيخ يسلم ثمك الله يوفقك ياشبكشي والله رائعه الله يرحم والديك ويبلغك رضاهم ..
(((الضبع)))

[أديب الشبكشي]

[frame="7 80"][glow=FFFF33]شكرااخى ضبع علىمرورك
تحيــــــــاتى لك
دمت بود[/glow][/frame]

[ملكة ينبع]

بسم الله الرحمن الرحيم

سلمت يداك اخي شبكشي وتمنياتي لك بالتوفيق دوما ان شاءالله وفعلا قصيدة مؤثرة وتحياتي

[اسامة]

بسم الله الرحمن الرحيم

سلمت يداك اخي شبكشي وتمنياتي لك بالتوفيق دوما ان شاءالله وفعلا قصيدة مؤثرة وتحياتي

[أديب الشبكشي]

شكر للجميع على لمرور
تحياتـــــــــــى