حتى سلام ربنا لاترده عليا دحين

[بشير]

من مس الحصى فقد لغى صدق الحبيب المصطفى صلى الله عليه وسلم
ياناس اكون جالس فصلاه الجمعه والامام يخطب يجيك واحد ويمد يده ويقول عواااااااافى مرررررحبا ياخويا شايفك هداك اليوم مع فلان وعلان
امس صليت الجمعه الحمد لله فمسجد بعيد شويا ولا الاخ اللى قلبها هرجه جنبى والامام يخطب اودى وجهى على الجنب التانى يدقنى بيده على كتفى واخوكم بشير ضارب الجرمه وهذا يحكينى عن اندونيسا وكيف الجو هناك والجبل والشوى وشى تانى ماينقال فالمسجد ولا حتى برا المسجد كاننا جيعانين وبعدين قلبها عزومه تفضل معايا الغدا استناك والله ماكو فكه
وهذى المشكله دايما تواجهنى فصلاه الجمعه ياناس لا تبطلو صلاتنا خلى الهرجه بعد الصلاه اجلس اهرج معاك للعصر بس شغل مكيف سياراتك ياحبيبى

اخاف الرجال اللى امس يقرأ هذا الكلام ويعرف انى بشير طيب ايش عليا فيه هذى نصيحه لوجه الله وحبيت اللى مايعرف يعرف انه مايجوز الحديث والكلام والامام يخطب
وخلى الاندومى تنفعكم يوم الحساب يافطس مسكله كثيييييييل بابا

[العارف]

لاعليك اخي بشير ، الرجل فرحاااااااااااااااااااااااااان بالسفر ومالقي أحد يشرح له سفرياته غيرك ، وبعدين لااثم على الجاهل وعليك مناصحته ، ماوراااااااااك الصور بالمسجد يمكن حاطها بجيبه !!!!!!!!!!!!!!!!!!!!!!!!!

[متــ عن بعدــــابع]

والله لك وحشة يواد بشير

[نسيم الليل]

هذا الشخص موطبيعي يابشير...مدري أيش أقول ( الله يهديه أوالله يشفيه )

لاتنسى يابشير إن هناك ناس جهله ومثل هذا عليك أن تنصحه وتنوره بعد الصلاة

ولك الأجر من الله سبحانه وتعالى .

[بشير]

شكرا العارف وربنا يهدينا جميعا
روح يابعيد شكرا وانت وحشتنى اكثر
شكرا نسيم الليل ربنا يهدينا جميعا وانا ماكتبت الموضوع الا ابغى اللى مايعرف ان الكلام وقت الخطبه وحتى السلام يلغى الصلاه يتنبه وقصدى خير والله

[القرافي]

يابشيييييير انت تهون وهذا يكلمك عن اندونيسيا صليت الجمعه في مسجد من مساجد ينبع واذا ثلاثة ساندين ظهورهم على جدار المسجد وهات يانكت وضحك وكركرة حتى البنقالة والباكستانية مستغربين من ال بيحصل ادعوا الله ان يهديهم وينورهم ويعقلهم

[هايم برضوى]

الحل لوكنا نجي بدري للمسجد ونبعد عن كل من يمكن ان يتكلم اثناء الخطبه


فمن يأتي باكرا قد يكون احرص


والله اسأل ان يهديني واياكم





تعديلي لاضافة

قد اكون داخل بالخطأ وماني فاهم الموضوع زين
ولكنها نصيحه لنفسي اولا ان نبكر الى الصلوات وخصوصا الجمعه اسال الله ان يمن علينا بالهدايه

[مدير مكتب]

تعال بدري .................بالصف الأول....................... وأنا اضمن إنه مايوصلك .

[بشير]

شكرا القرافى
شكرا هايم رضوى
شكرا مدير مكتب

[محب الموروث]

لكن الناس ايش صابها يابشير ؟؟ ..
هرجه والامام يخطب فصلاة الجمعة وضحك وتريقه وتعليق في العزاء وجوالات وبيع وشرا في المقبرة ولا كأن القبر المحفور قدام الواحد فيهم الا حفرية قاعدة ، وماعدنا نشوف ونحس هيبة الموت ونتفكر في عذابه وفحساب الآخرة ..
يارجل واحنا صغار كنا نخاف نتعدى من قدام بيت الميت ولاحتى نمسك حوايجه وأكثرنا ماياكل من أكل أهل الميت ( كان الأكل على قد الحال والفطور والعشاء كان نواشف واتذكر انهم كانوا يحايلوا أهل الميت علشان الواحد منهم يبلع له لقمتين ثلاثة ) . . الأن تعال شوف العزايم والجخ والغلبه مدري الطفره ومد السفر والرز واللحم والفاكهة والطرشي وغيره وغيره وياحبيبي على يوم القطوع الله يقطعها من عادة كله لازم يحضر العزومةعلشان ( الهيصة الكبيرة والعالم كثيرة ) ..
هذا كوم يابشير والحريم ييييييييييييييه حاجة ثانيه وعالم آخر ..
أنا ياخويا شايف القلوب قسيت ومثل مايقولوا ( خنزرت ) .. واعتقد انه لحم ودهون الخنزير وصلتنا واحنا غافلين .. والواقع يقول انها موجودة في أشياء كثيرة مثل الكريمات ومستحضرات التجميل وغيرها ..
الشيوخ والدعاه والمصلحون لم يقصروا في تنبيه الناس واتنبحت أصواتهم ، الدور علينا نحن في تنبيه بعضنا البعض ( بالحسنى ) ومنع كل هذه السلوكيات والظواهر الدخيلة والمستحدثة ..
رينا يلطف بنا ويسترها ..
بس وسلامتك ..

[بشير]

شكرا محب الموروث
انت فين ياراجل هاه لا تكون روحت لبنان تصيف هناك وتحضر القطوع يقولك حسن نصرالله سوى قطوع للى ماتو وما قصر عزم الناس كلها وهاتك يابقل وجرجير ولبن وفتوت وزعتر وبيره وحشيش ويقولك ايران ما قصرت فتحت بيتها وجيبها على الاخر