غبوة الريفي في 26 / رجب / 1427هـ يكسرها / أبو إبراهيم ـ مبروك

[أبو ناجي]

صراحه ابداع من الجميع بلا حدود لكن للان ماعرفنا الاجابه شاكرين لكم

[الريفي]

الاخ ابو ناجي
مشكور على حضورك معنا والحل هو شعرة معاوية بن ابي سفيان رضي الله عنهما وقد تم تكسير الغبوة من قبل اخونا ابو ابراهيم
تحياتي

[الريفي]

هذا اللحن دار بتاريخ 26-7-1427هـ بين الشاعر محمد جميل الريفي والشاعر صالح محسن الجهني حيال احدى الغباوي وتجد تكسير الغبوة في اخر اللحن
[poem=font="Simplified Arabic,6,white,bold,normal" bkcolor="blue" bkimage="" border="none,6,blue" type=0 line=0 align=center use=ex num="0,black"]
محمد جميل الريفي
من حي عندك مثايلها = صارت مثل فالعرب ينقال
مثيلها حي يفصلها = ياكم تقبل عليه اقبال

صالح محسن الجهني
هذي عظيمة مغازلها = للفن والنقش والتفصال
واللي بأثرها يحصلها = مسجون ومحكوم بالاشغال

محمد جميل الريفي
ماظنك البنت تجهلها= وانت بعرفي كريم اسبال
ابني فالامثال وارسلها = وعيد النظر واكمل الارسال

صالح محسن الجهني
البنت عشنا منازلها = فوق الثرى بين حال وحال
ومثيلها يوم طايلها = وصلى على من ذكرها وقال

محمد جميل الريفي
البنت عندك دلايلها = اقفى راعيها مع الاجيال
ومثيلها الكل شايلها = الخود والورع والرجال

صالح محسن الجهني
وحنا في اخر مراحلها = نقدي بها وانتهى الاشكال
عينين والانف عازلها = وطبتم وطابت لنا الامثال

محمد جميل الريفي
تلقى راعيها وحاملها = مذكور مع جملة الابطال
ومثيلها حي بهدلها = ياكم تهدي عليه ريال

صالح محسن الجهني
مبروك ياشيخ عاقلها = شعرة وهي شعرة العقال
حكيم تتبع اوايلها = امة لها فالادب منزال[/poem]

وقد تم تكسير الغبوة من قبل اخونا الغالي ابوابراهيم وكان الحل شعرة معاوية بن ابي سفيان رضي الله عنهما
كما قال معاوية ( لو كان بيني وبين الناس شعرة مانقطعت ) واصبحت هذه الشعرة مثل دارج بين الناس
ومثيلها الشعرة التي معك والحي الذي يفصلها ويبهدلها وتهدي عليه ريال هو الحلاق
تحياتي للجميع