قصيدة معاق ...... راااااااااااااائعة

[أبــو نــهـــار]

وش عاد باقي يا الليال المقابيل
وش عاد باقي غير حزن وتعاسه

طفولتي راحت بليا محاصيل
ما اعرف وش طعم الفرح والوناسه

عندي تساوت كفة الصبح والليل
دايم وانا نفسيتي في انتكاسه

إعاقتي صارت عليّه بهاذيل
محروم حتى من حقوق الدراسه

محجوز في غرفه عن القال والقيل
وفــ عيون ابوي اشوف عطف وشراسه

مثل السجين يكبل الباب تكبيل
لا جا ضيوف يشددون الحراسه

كبرت ما اعرف وش علوم الرياجيل
وباموت ثوبي ما اعرف وش مقاسه

لو يمنحوني فرصتي فقت هالجيل
حماس من ياسين تاخذ حماسه

ذكي واحلل في أدق التفاصيل
واعاقتي خلتني اكثر كياسه

مرات من زود العنا والغرابيل
تطيح دمعه رغم قلبي وباسه

ولا مرّ احد مسحّتها بالمناديل
عشان ما يلمح دموع التعاسه

[المعلم]

ياأبا نهار
لك وحشة
زمان حارمنا مشاركاتك الحلوة
القصيدة جد رائعة وتعبر بصدق عن الحال ولكن أرجو ألا يفقد ألأمل فالله رحيم بعباده
نسأل الله لنا ولهم العفو والعافية
تحيتي لك

[ينبع اليوم]

قصيدة رائعة .. يا ابا نهار
فعلا تعبر عن معناة المعاق في هذا الزمن

كم ودي اشكرك منذ زمن على اهتمامك بهذه الفئة ( ذوي الإحتياجات الخاصة )

تحياتـــــــــــــــــــــــــــــــــــــــــــــ ـــــــــــــــــــــــــي

[أبو سفيان]

شكرا / أبو نهار
القصيدة معبرة جــدا عن أحوال المعاقين ومعاناتهم
نسأل الله أن يمن عليهم بالعافية ونحن من واجبنا جميعا ـ على الأقل ـ أن نحس
بهذه المشاعر ونشاركهم ونتودد إليهم لترتاح نفسياتهم ويرضون بقدر الله وقدرته على كل شيء

[البندر]

الله يشفينا ويشفيهم شكرا اخى ابونهار

[ابن عاطي]

الله يشفينا ويشفيهم