يابنت أنتي على بالـك أبأخـذ مـن بنـات الشـات.. ؟؟!!

[أبو ريان]

[frame="3 80"][align=center]

يابنت أرجوك أنا مأقدر كفانـي ماضـي الغلطـات
أخــاف الله يعذبـنـي وأنــا خــواف يابنـيـه

واخـاف ابساعـه اللـذه يجينـا هــادم الـلـذات
ويأخذ مـن حشـى جوفـي بقايـا روحـي الحيـه

أنا ليّه ثمان اسنيـن وأنـا مدمـن علـى الشهـوات
ديـار الفسـق حاستهـا مواطـي تحـت رجلـيـه

عيوني مـن كبـر همـي تخلـط الـدم والعبـرات
مِسيـل الدمـع مـن عينـي حفـر بالخـد ماريـه

صحيح إنك جميله بـس تبنـا مـن هـوى الزينـات
تركنـا الحـب غصـب وطـوع للعيـن الشقاويـه

يابنت أنتي على بالـك أبأخـذ مـن بنـات الشـات
أجـل مجنـون أنـا يابنـت أشيـل العقـل بيديّـه

ترى أكبر شيء يربطني مِعك جـوال ابـو شاشـات
وهاتـف ينقـل أشواقـي علـى نبـرات سلكـيـه

وترى كل العلـوم اللـي عطيتـك بالهـوى كذبـات
وحتـى دمعتـي يـوم الفـراق الصعـب كذبـيـه

هـذاك اليـوم ماهلـت عيونـي لجلـك الدمعـات
لأن الدمـع ماينـثـر بقـصـه حــب وهمـيـه

أنا أضحك مِعك واضحك منك وعليك أكثّر الضحكات
كأنـي بالـهـوى جـنـي يعـبـي راس جنـيـه

وأنا مانـي بخكـري يلبـس القمصـان والشرتـات
ويفـرح قلبـه المسكـيـن إذا حــب الدوينّـيـه

أنـا مـن لابـةٍ أروت ضمايـا سيوفهـا الغـزوات
خلاياجسمـنـا عـاشـت عـلــى دم القبيـلـيـه

ودهنتي شعـرك الاسـود بألـوانٍ مـن الصبغـات
وعيـت تقبـل الصبـغـه ملامـحـك الخليجـيـه

وحشرتـي ردفـك المسكيـن بالبنطـال والجنـزات
خلاقـيـنٍ تصنّعـهـا مـزاجــات اليـهـوديـه

عشاني ميـتٍ فـي ثغـرك الأحمـر أبـو لمعـات
تحسبينـي أبرضـخ لـك لأن إشـفـاك ورديــه

ورب الكون مأرضى فيك لو إنك شيخـة الحلـوات
وإذا صمـل علـيّ العلـم أكـب ارض السعوديـه

يابنت الناس عـزك فـي سـوادٍ يستـر العـورات
وعزي في شماغ أحمـر وثـوب أبيـض وطاقيـه

سعودييـن نفخـر فــي عبـايـات السعـوديـات
نغـض الطـرف إجـلالً إذا شفـنـا السعـوديـه

[/align][/frame]

[الواقعي]

والله حلوه القصيده هذا حال الشباب بس قول اعترف انت كاتبها ولا لاطشها ؟؟؟

بصراحه اذا انت كاتبها اثبتت انك سعوددددي
هذي القصيده اهديها للبنات [glow1=#CC0000]المغفلات[/glow1] المنحرفات عشان يصحوا

[بير الوحيدي]

يسلموووووووو ع القصيده الحلوووه
صح لسان قايلها

[النسر]

هـذاك اليـوم ماهلـت عيونـي لجلـك الدمعـات
لأن الدمـع ماينـثـر بقـصـه حــب وهمـيـه


صح لسانك اخي صـوت الثواني 0 قصيدة جميلة

[عبد الإله]

الأخ صوت الثواني
إليك مع الإعتذار عن التقصير
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ألاياصوت يطربني سريع أسرع من اللحظات= يقول العمر بيدينك على ماقيل عاريه
انادربي مثل دربك كثيـر الــزل والهفوات =عسىالله يقبل الحسنات منا ويجبرالسيه
ولا به شك يالغالــي تــرى لعمال با لنيات= وفعل العبد يرسم له على ماضيه ماريه
يعيش العبد في يومه يقول اللي مضى قد فات= يحسب الناس ما تذكر وهي بالهرج مبليه
وربي ياكبر عفوه رحــوم ويغفــر الزلات= ولافي دين ربي فرق بين صبي وبنيه
فتحت لنفسك بويبٍ قفلته في سبع قفـلات=على غيرك وهو مشرع مدام أرواحنا حيه
تبي ماشف في بالك وذامطلوب للخفرات= تبي من لا وطى قبلــه أراضي للهواويه
هواها ما مشى يطرد هوى شارد من الحلوات=ولا عمره تغزل في رموش عيون بحريه
ولا ضني بهن عاقل تبي تقبل بولد الشات = إذا فالشــات عـذروبٍ فهـوللبنت واخيــه
عشقنا اللي شربنا من ثراها غالي العادات = وطبع الحر لو طول فلاعن ماكره جيه
مشينا وانتشينا من هواها شافي النسمات= يفـزالقلـب لاهبت نســايم شـوق غربيه

[/poet]

[الواقعي]

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]

يعيش العبد في يومه يقول اللي مضى قد فات= يحسب الناس ما تذكر وهي بالهرج مبليه

[/poet]

ماشاء الله هالبيت راااااااااااااااااائع تسلم ياابو ابراهيم