قصيده ابتدت مع حرب الخليج ومعانيها لازالت تتحقق

[غريب الشرقيه]

[poet font="MS Sans Serif,6,white,normal,normal" bkcolor="transparent" bkimage="backgrounds/22.gif" border="double,10,limegreen" type=1 line=200% align=center use=ex length=0 char="" num="0,black" filter=""]
ابتدت حـرب المهالـك وانتهـى السلـم ومجالـه=وارتكب اهل الجريمـه ابشـع انـواع الجريمـه
داهموا بغـداد جيـش الشـرك واحفـاد الضلالـه=حنـوا لتدميـر تاريـخ الحـضـارات القديـمـه
بيـن بعثـي العـراق وبيـن جـرذان العمـالـه=انثنت ياويـل قلبـي بنـت الاسـلام العظيمـه
ااااه ياوجدي عليهـا وجـد مـن ضيمـه خوالـه=ان نواهم صاحت امه وان تركهم صـاح ضيمـه
او وجود القاصر اللـي مغتصـب عمـه حلالـه=هـو يتيـمٍ بيـن ربعـه مالـه الا اخـتٍ يتيمـه
او وجـود النـادر اللـي ناطـح الغـاره لحالـه=ان وقف زادوا صوابه وان وقع صاحـن حريمـه
او وجود الديـّن اللـي مارتكـب جـرم وخمالـه=بعد ماقصـوا يمينـه اعتـرف راع الجريمـه
او وجـود اللـي خصيمـه فجـأةٍ وقّـف اقبالـه=جالياً من وسط ربعه واشجـع اربوعـه خصيمـه
او وجـود الطيـّب اللـي تـوّ ماكبـروا عيالـه=بعـد ماكبـروا عيالـه صـار طيّبهـم هليـمـه
او وجود اللـي يمينـه بالسلاسـل مـع شمالـه=شيخ قومٍ عقب عـزه عـاش حقـران وهضيمـه
حسرتـي والله علـى حسنـك يابغـداد وجمالـه=وحسرتي والله على الشعب العراقي فـي جحيمـه
كـل ماقيـل قصفـوهـا اتصيـقـه للمقـالـه=ياعرب مـوت القلـوب اليـوم عاهـه مستديمـه
لا تورونـا صورهـم اتركـوا كــل بفـالـه=إلبـدوا والذيـب يلبـد لا نبـح كلـب الخريمـه
يعني وش رايـح نسـوي غيـر يالالـه يلالـه=لاتَحـرّون القلـوب القاسيـه تصبـح رحيـمـه
لانـي مغيـّر زمـان ولانـي امحـرّم حـلالـه=بس اشوف ان العروبه تسحـب اذيـال الهزيمـه
سامح الله مـن قرانـي مافهـم فحـوى الرسالـه=مـدرك ابعـاد الكـلام ونيـتـي والله سليـمـه
الشهـر هــذا مـحـرم والله مـحـرم قتـالـه=بـس يالله ماعلينـا كــل ضـربـه بتْعَليـمـه
ابشـروا يالشـرق الاوسـط بالتسكـع والبطالـه=يامـدوّرة الغنـايـم انـتـم الـيـوم الغنيـمـه
جت مغول الغرب يم الشـرق والقصـد احتلالـه=خلف هولاكـو اوربـا جـوك يتلـون البهيمـه
من متى كان اليهودي لـه علـى المسلـم جمالـه=مـن يقـول ان العواقـب مانتايجهـا وخيـمـه
عارفيـن المستخبـي اندثـر وقــت الجهـالـه=والغبـيّ اللـي يفكـر لــذة الدنـيـا مقيـمـه
يولـد الحـي ويمـوت وينولـد حـيٍّ بـدالـه=والحظيـظ اللـي خطـا رجلـيـه ماهي مستقيـمـه
اشهد ان المهدي اللي ننتظر طوّل وصاله=وصل الاحباط الحناجر واقطب المجهـول غيمـه
باكـر تشوفـون باكـر قولـوا ماقال الطوالـه=كـان بـاكـر ما غديـنـا للخنـازيـر الوليـمـه
الا إن كـان اتحدنـا وصفنـا عــاد اكتمـالـه=واجتمعنـا كلّبونـا ضـد عــدوان وظليـمـه
[/poet]

[align=center]الشاعر الكبير / فيصل بن طواله[/align]

[إبراهيم المحياوي]

والله قصيده رائعه أخوي غريب الشرق وتحاكي الواقع
صح لسان قايلها
وسلمت يمينك على النقل
وتقبل تحياتي

[الشاعر]

[align=center]يعطيك ألف عافية غريب الشرق على نقل هذه القصيدة
التي أبدع شاعرها الطوالة في تصوير مأساة العراق وحال العروبة
لكن ما نقول له إلا ما قاله هو :
(لا تـورونــا صـورهــم اتــركــوا كــــل بـفـالــه) [/align]
[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
يعـنـي وش رايــح نـسـوي غـيـر يـالالـه يـلالـه=لاتَـحـرّون القـلـوب القاسـيـه تـصـبـح رحـيـمـه

[/poet]

[align=center]وحسبنا الله ونعم الوكيل[/align]

[غريب الشرقيه]

[align=center]الله يسلمك يارعي البل وياحادي العيص
اخوي الشاعر الله يعافيك مليون وشكرا على ذوقك الراقي[/align]

[الرسمي]

السلام عليكم ورحمة الله وبركاته

الاخ / غريب الشرق

منقول رائع وتسلم ويسلم قائلها

اتمني اخي الفاضل تزويدي بعنوان الاخ فيصل بن طواله صاحب عزيز علي وفقدته منذ زمن بعيد

الاخ فيصل بن طواله ( صاحب نوم ومحب جدآ جدآ للنوم لكن لاصحي من النوم استلم من القصائد الرائعه شخص جدآ خلوق )

تقبلوا خالص تحياتي غريب الشرق و فيصل بن طواله
أخوكم الرسمي

[سليمـان]

يعطيك العااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا فية

[عيسى حامد]

يعني أش راح نقلك غير الله يعطي الصحه من كتبها
ويطول بعمر من نقلها
ولك مني كل الأحترام والتقدير مع خالص الشكر
أخوك
الزاجــل

[غريب الشرقيه]

[align=justify]الاخ الرسمي الله يعطيك العافيه وبالنسبه لعنوان الشاعر فيصل موجود في مظايف شمر
الاخ سليمان الله يعافيك شكرا للمرور
الاخ الزاجل شكر الله يعطيك العافيه ويرحم والديك وشكرا لمرورك[/align]